نماینده‌لر مجلسی، اخیرگی وقتلرده کته میش – میش گه ایلنگن افراطیت مفکوره‌سی همده دولتگه قرشی تبلیغ توغریسیده جواب بیریش اوچون مملکت حج اوقاف وزیری، عالی تحصیلات اورین باسری و اخبارات ومدنیت وزیرلیگی نینگ معاونینی بو حقیده جواب بیریش اوچون مجلس‌گه چقیرگن ایدی.
مساله اوچون خواطر بیلدیرگن نماینده‌لر مجلسی نینگ بعضی بیر اعضالری، بیر قنچه مسجدلر امامی، بیلیم یورت و مکتبلرنینگ استادی حکومتگه قرشی افراطیت مفکوره‌سینی رواجلنتیریش‌گه حرکت قیلگنلر دیدیلر. شونینگدیک اولر حج اوقاف وزیریدن مسجدلر امامی موعظه‌لر متنی تیارلب یوباریلیشی‌نی سوره‌گنلر.
مملکت حج اوقاف وزیری فیض محمد عثمانی بوگون مجلس نینگ عمومی یغینیده، مسجدلر امامیگه معین مساله‌لرنی اورگه‌تیش اوچون سعی و حرکتلر باشلنگن دیگن. لیکن، جمعه نمازی‌نینگ خطبه‌سی توغریسیده اولرنی باسیم آستیگه آلیش ممکن ایمس دیگن جناب عثمانی.
جناب عثمانی، مذهبی اماملر تربیه‌لش و اصلاحات کیریتیش اوچون ینگی بیر مرکز آچیلگن دیگن. اونگه کوره، بو مرکز کیلگوسی ییلدن اعتبارن ایشگه باشله‌شی ممکن. شونینگدیک بو مرکز ایسه جمعه نمازی‌نینگ خطبه موضوعینی هم تعین قیلیشینی تیلگه آلگن عثمانی.
شونینگدیک مملکت حج اوقاف وزیری، افغانستان اساسی قانون مملکت اهالیسی‌گه سوز ایرکینلیگی بیرگن و دین عالملری ایسه بوندن استثنی ایمسلر دیدی.
ییغینده سوزلگن افغانستان عالی تحصیلات وزیرلیگی نینگ اورین باسری بری‌صدیقی، اسلامی ثقابت درس بیریلشی اوچون ینگی بیر اصول نظرده توتگنلر و بو شیوه اساسیده بیلیم یورتلرده اسلامی ثقافتدن درس اوتیله‌دی دیگن.
عین حالده، افغانستان اخبارات ومدنیت وزیرلیگی نینگ اورین باسری خانم سعیده مژگان مصطفوی، ییتکرمه‍لر قانونی قیته کوریب چیقیلیب، ییتکرمه‍لر یایین محتواسی اونگه سیغدیریله‍دی دیگن.
معارف وزیرلیگی نینگ اسلامی تعلیمات اورین باسری محمد شفیق صمیم، بو وزیرلیک هر دایم دینی مدرسه‍لر همده مکتبلرنی اوز نظارتی آستیگه آلیب کیلگن لیگینی تیلگه آلگن.
