سعودی عربستان رسمی‌لری، حج مراسمی‌نی بجا کیلتیریش چاغیده 310 زیارتچی‌نینگ هلاک بولگنی و باشقه 400 دن آرتیق زیارتچی یره‌لنگنی‌دن خبر بیره‌دی. ایتیلیشیچه، اوشبو زیارتچی‌لر بوگون پنج‌شنبه شاشلینچ و جمعیت کوپلیگی باعث، هلاک بولیب و یره‌لنگن‌لر.
بو ییل حج مراسمی‌ده ایکی میلیون‌دن آشه راق زیارتچی اشتراک ایتکن. شونینگ‌دیک 11- سپتمبرده ترقه‌تیلگن گزارش‌گه کوره، مکه‌ده‌گی مسجدالحرام یقینیده جرثقیل ییقیلگنی باعث، 100 دن آشه زیارتچی هلاک بولیب و باشقه 400 کیشی یره‌لنگن ایکن.
بوگون قربان هییتی‌گه برابر بولگن و بو کون‌ده حج زیارتچی‌لریدن کوپینچه‌سی قربانلیک قیلگنی‌دن کیین، منا تامان حرکت قیله‌دی.
اوتمیش‌لرده‌هم شونده‌ی بیر واقعه‌لر یوزبیرگن.
گزارش‌لر اساسیده، میلادی 1990- ییل جمعیت کوپلیگی باعث، بیرمینگ‌دن آرتیق کیشی هلاک بولگن ایکن. بو واقعه‌دن تورت ییل کیین، 270 دن آرتیق زیارتچی جمرات مراسمی چاغیده هلاک بولگن، انه شونده‌ی اوچ ییل‌دن کیین، مناده زیاتچی‌لرنینگ چادرلری اوتکه یانگنی باعث، 350 دن آرتیق کیشی جان بیرگن. شونینگ‌دیک میلادی 2006- ییل جمرات مراسمی‌ده 350 دن آرتیق زیارتچی هلاک بولگن.
