.jpg)
افغانستاننی اوزاق ییرلرده قالگن ولایتلریده مکتب‌لر ساختمانی و اوقیش کتابی بولمه‌گن‌لیگی هردایم‌کی معمالردن سنلردی. اما حاضرکابل اوقووچیلری قیینچی‌لیگی هم چیقیب قالدی. بو اوقووچیلرنینگ سلام‌وطندار بیلن قیلگن مخصوص صحبتده ایتیشلریچه، قوروق ییر و چادرلر آستیده درس اوقیب کیلماقده‌لر.
بو مکتب‌لرنینگ کوپلب اوقیتوچی و اوقووچیلری نینگ معلوم قیلیشلریچه، مکتب‌لر ساختمانی و اوقیدیگن درسلیک کتابی بولمه‌گن‌لیگی سبب عایله‌لرنی معما حل ایتیلیشگه مجبور قیلگن.
اوشبو مکتب‌لرنی اوقیتوچیلریدن بیری رقیه احمدی نینگ ایتیشیچه، درسلیک صنف بولمه‌گن‌لیگی دلیل اوقووچیلر ییر یوزیگه اولتیریب درس اوقیدیلر و بولرنی کوپیسی‌گه هم کتاب بیریلمه‌گن.
پایتخت مکتب‌لریدن باشقه بیری نینگ اوقیتوچیسی احمدیارنینگ ایتیشیچه، مذکور مکتب‌ده 6 یریم مینگ اوقووچی درس اوقیش بیلن مصروف‌لر، اما ساختمانی ییرمافیاسی تامانیدن غصب ایتیلگن و اوقووچیلر آچیق فضاده درس اوقیشگه مجبورلر. شونینگ‌دیک او کتاب و اورگه‌تیش جهازلریدن شکایت قیله‌دی.
بو مکتب‌لرنی کوپلب اوقووچیلری نینگ هم سلام‌وطندارگه معلوم قیلیشلریچه، تعلیمی ییلدن بیر آی اوتیشی بیلن حاضر هم قوروق ییرلرده درس اوقیدیلر و حاضرگچه هم بولرگه درسلیک کتابی بیریلمه‌گن.
.jpg)
معارف وزیرلیگی نینگ سوزلاوچیسی مجیب مهردادنینگ اوقیتوچی و اوقووچیلر شکایتلریگه جواب بیریب ایتیشیچه، حاضر هم مملکت بویلب 50 فایز مکتب‌لر ساختمان سیز دیر. جناب مهردادگه کوره، شو حاضر مذکور وزیرلیک معمالرنی حل ایتیش اوچون کیره‌کلی بودجه‌سی بولمه‌گن، اما کوپلب مکتب‌لر ساختمانی توزه‌تیلیش ایشی باشلنگن.
پایتخت مکتب‌لریده درسلیک کتاب یوقلیگی باره‌سیده مهردادنینگ ایتیشیچه، کابل نینگ 17 ناحیه سیده درسلیک کتاب توزیع قیلینگن، ولی نیگه بو کتابلر اوقووچیلرگه بیریلمه‌گن؛ بیلمیدی.
معارف وزیرلیگی – امنیت، زیربنالر و طبیعی منبع‌لردن سونگ افغانستان دولتی نینگ ییریک بودجه‌سینی اوزیگه اختصاص بیرگن؛ اما درسلیک کتابی آزلیگی و مکتب‌لرده ساختمانی بولمه‌گن‌لیگی، مملکت بویلب معارف وزیرلیگی نینگ باشقه اونلرچه معماسیدن بیری دیر.
