افغانستان ملی اسلامی جنبش حزبی‌نینگ طرفدارلری و جوزجان ولایتی‌نینگ قوم بویوک‌لری و یشاوچیلریدن اونلرچه‌سی بوگون «یکشنبه» مذکور ولایت‌نینگ شهریده توپله‌نیب خبری بیر ییغین یولگه قوییب مرکزی حکومت‌نی آگاه‌لنتیریشیچه، شمال‌ده خوفسیزلیک وضعیتی یخشی بولمه‌گن صورتده، کیله‌جک سیلاونی تحریم قیله‌دیلر.
اولرنینگ ادعا قیلیشیچه، شمال‌ده‌گی موجود ناتینچلیکلر کیله‌جک سیلاوده ساخته‌کارلیک‌لر کینگ شکلده عمل‌گه آشیریلیشی اوچون مهندس‌لیک بولیب و ریجه‌لنگن.
ملی اسلامی جنبش حزبی‌نینگ طرفدارلری و جوزجان قوم بویوک‌لری‌نینگ ایتیشیچه، مرکزی حکومت سیلاو تنیق‌لیگی، خوفسیزلیک تأمین‌لنیشی و شمال‌ده اوروش عملیات‌لری یولگه قوییلیشی اوچون جنرال دوستم گه قیتیش رخصتی بیریلیشی خصوصیده، اولرنینگ ایستک‌لریگه دقت قیلمه‌گن صورتده، هر بیر ایش گه قول اوره‌دیلر.
جوزجان پولیسی قومندانی فقیرمحمد جوزجانی‌نینگ ایتیشیچه، بو ولایت ده امنیتی تهدیدلر کوپه‌یگن و خوفسیزلیک کوچلری عملیات یولگه قوییلیشی گه تیار دیر.
جوزجان تومن‌لریدن سلام‌وطندارگه کیلگن خبرلرگه کوره، بو ولایت‌نینگ 10 تومنی‌دن یالغیز بیر تومنی تینچ دیر و باشقه تومن‌لر جدی امنیتی تهدیدلر آستیده قرار تاپگن و نهایتده 5 تومن نینگ یولی دولت ایشلاوچیلری و خوفسیزلیک کوچلر یوزیده یاپیق دیر.
