جوزجان یشاوچیلریدن بیرقطاری‌نینگ ایتیشیچه، اوتگن بیر هفته جریانیده جوزجان-بلخ قتناو یولیده ناتینچلیک کوپه‌یگن و قوراللی طالبلر اهالیدن مذکور یولده بولگن امنیتی پوسته‌لرنی تخریب قیلیشی‌نی سوره‌گن.
جوزجان یشاوچیلریگه کوره، طالبلر چیک‌پاینت قوریش بیلن یشاوچیلرنینگ پولی و قیمت‌بها نرسه‌لرینی آله‌دیلر.
جوزجان یشاوچیلریدن آزاد بیک و بیدالله نینگ سلام‌وطندارگه ایتیشیچه، آقچه- مزار قتنا یولیده بولگن بوتون پوسته‌لر طالبلر نظارتی‌گه اوتگن و بو گروه جنگریلری شبرغان شهری‌نینگ یقین‌لریده ییتیشگن.
عین‌حالده، جوزجان حاکمی‌نینگ اروین باسری عبدالرحمان محمودی‌نینگ بو ادعالرنی تصدیق‌لب ایتیشیچه، جوزجان-بلخ قتناو یولی‌نی طالبلر وجودیدن تازه‌لش اوچون تیزلیک‌که حربی عملیات یولگه قویلیشی ممکن.
بوگون "چهارشنبه" ملی اردو باش قومندانی محمدشریف یفتلی بیر هیأت باشلیغی‌ده جوزجان ولایتی‌گه سفر قیلگن. اونینگ ایتیشیچه، یشاوچیلرنینگ خواطرلری تیزلیک‌که یکونلنتیریله‌دی.
اونینگ ایتیشیچه، حاضرده بلخ ولایتیده حربی عملیات یولگه قوییلگن و بو عملیات‌نینگ بلخ و جوزجان ولایتیده دوام تاپیشی ممکن.
جوزجان ولایتی‌نینگ تومن‌لری و مرکزیده قتل، قوراللی اوغیرلاوچیلیک و ناتینچلیک کوپه‌یگن بیرحالده، ملی اردو باش قومندانی اوشبو ولایت‌گه سفر قیلگن.
