جوزجان محلی رسمی‌لری‌نینگ ایتیشیچه، مذکور عیال 8 کون آلدین، شبرغان شهری‌نینگ نوآباد عربیه قیشلاغی‌دن یوقالگن ایکن و اوتگن کون جسدی شهرنینگ منگوتی قیشلاغی‌دن تاپیلگن.
جوزجان حاکمی سوزلاوچیسی محمدرضا غفوری‌نینگ سلام‌وطندارگه ایتیشیچه، اوشبو 20 یاشر نسیمه ناملی عیال نشانلی ایکن.
اونگه کوره، بو عیال‌نینگ جسدی بوتونله‌ی ییریگن و معاینه قیلینیشی اوچون طب عدلی‌گه یوباریلگن.
جناب غفوری‌نینگ کوپه‌یتیریشیچه، اوشبو قتل سببی حاضرگچه معلوم بولمه‌گن و شونینگ‌دیک، بو واقعه توغریسیده کیم‌سه قولگه آلینمه‌گن.
مذکور عیال‌نینگ عایله‌سیگه کوره، حاضرگچه قیزلری کیم تامانیدن اولدیریلگنینی بیلمه‌یدیلر.
اوشبو واقعه‌نی تصدیق‌لگن جوزجان پولیس قومندانی رحمت‌الله ترکستانی‌نینگ ایتیشیچه، بو توغریده تیرگاو باشلنگن و قضیه عامل‌لری تانیلیب و قولگه آلینیشی خصوصیده سعی و حرکت دوام ایتماقده.
