.jpg)
جوزجان ولایتی نینگ خم‌آب تومنی ولسوالی و یشاوچیلریدن بیرقطاری نینگ ایتیشیچه، مذکور تومنده طالبان گروهی ینگی بیر قاعده تعیین قیلیب قیزلرنینگ طویانه‌سیدن زورگه حق آله‌دی.
اولرگه کوره، مذکور تومنده هر بیر قیزنینگ طویانه‌سی 500 مینگ دن 800 مینگ افغانی گه ییتیشه‌دی وبو مبلغ دن یالغیز 100 مینگ افغانی قیزنینگ عایله‌سیگه بیریله‌دی و قالگنینی طالبان آله‌دی.
خم‌آب تومنیدن ینگی‌لیک‌ده یقین‌لری بولگن قطار یاش قیزلر بیلن جوزجان مرکزی شبرغان شهری گه قاچیب کیلگن 48 گل‌چهره آتلی عیال نینگ ایتیشیچه، خم‌آب قیزلرینی طویانه‌سیدن کمیده 90% طالبان گه بیریله‌دی.
گل‌چهره گه کوره، مذکور گروه گه قیزلرینی طویانه‌سیدن بیرمه‌گن کیشی‌لر اهالیسی حضوریده کلتک‌لنه‌دی. اوشبو عیال نینگ ایتیشیچه، حاضر یاش قیزلری بولگن عیاللردن بیرقطاری، خم‌آب تومنیدن شبرغان و مزارشریف شهرلریگه قاچیب کیلگن‌لر.
طالبان گروهی دن قورقیب آت‌لری فاش ایتیلیشی‌نی ایستمه‌گن خم‌آب تومنی یشاوچیلریدن باشقه بیرقطاری نینگ ایتیشیچه، مذکور تومنده طالبان گروهی هر کون ینگی قاعده ایجاد قیلیب و تورلی بهانه‌لر بیلن اهالی دن پول آله‌دی.
.jpg)
خم‌آب تومنی نینگ ولسوالی احمد، مذکور تومن نینگ قیزلرینی طویانه‌سیدن طالبان باج آلیشی‌نی تصدیقلیدی. اونینگ ایتیشیچه، یاشلردن کوپینچه‌سی باشقه ییرلرده ایشلش نی بهانه قیلیب بو تومن نی ترک قیلگن‌لر.
طالبان گروهی نینگ سوزلاوچیسی ذبیح‌الله مجاهد، میدیالرگه بیر پیام یوللب خم‌آب تومنی نینگ محلی مسؤوللری و یشاوچیلری نینگ سوزلرینی رد قیلگن.
بیراق، خم‌آب تومنی یشاوچیلری نینگ سوزلرینی تصدیقلگن جوزجان حاکمی سوزلاوچیسی فریدون انیق، مذکور تومنده تیزلیک‌که طالبان گروهی گه قرشی تازه‌لش عملیات یولگه قوییلیشی‌دن خبر بیرگن. خم‌آب تومنی نیچه آیدن بویان طالبان گروهی نینگ اختیاریده دیر.
اوشبو گزارش‌ده مصاحبه بیرگن کیشی نینگ خوفسیزلیگی سقله‌نیشی اوچون اونینگ آتی مستعار شکلده گل‌چهره دییلگن.
