.jpg 3.jpg)
جوزجان استیناف محکمه‌سی نینگ ایتیشیچه، مذکور ولایت معارف ریاستی نینگ خریدارلیک بولیمی‌ده 600 مینگ افغانی تلان قیلینگن.
سلام‌وطندار تامانیدن جوزجان معارف ریاستی‌ده ولایت مکتب‌لری اوچون میز و چوکی ساتیب آلیش‌ده بیر میلیون افغانی تلان قیلینگنی توغریسیده ترقه‌تیلگن تدقیقاتی گزارش‌دن کمیده ایکی آی اوتگنیدن سونگ، حاضر جوزجان استیناف محکمه‌سی نینگ ایتیشیچه، ایسلنگن لوازلرنی ساتیب آلیش‌ده 600 مینگ افغانی‌دن آرتیق پول تلان قیلینگن.
جوزجان استیناف محکمه‌سینی باشلیغی محمدنصیر حکیمی نینگ ایتیشیچه، اوشبو موضوع تیکشیریلیشی اوچون نیچه دولتی اداره تامانیدن تعیین ایتیلگن هیأت، ینگی‌لیک‌که تیکشیروولری نتیجه‌سینی ولایت مقامی بیلن شریک قیلگن.
جوزجان استیناف محکمه‌سی نینگ باشلیغی گه کوره، ساتیب آلیش‌لرده فرق میزانی 600 مینگ افغانی دن آرتیق دییلگن؛ بیراق تیکشیروولر حاضرگچه دوام ایتماقده.
جناب حکیمی نینگ اورغولشیچه، مذکور ولایت معارف ریاستی فرق میزانی‌نی اثبات قیله آلمه‌ی و حجت بیرهآلمهگن صورتده، بو قضیه‌ده دخیل کیشی‌لر قانون اساسیده، جزالنه‌دی.
شو توغریده…
جوزجان ولایتی‌نینگ معارف ریاستی‌ده بیر میلیون افغانی تالان قیلینگن
.jpg)
بوندن آلدین، جوزجان معارف ریاستی نینگ مالی و اداری آمری محمدحلیم ساحل، مذکور ریاست‌ده تلان قیلینگنینی رد قیلیب ایتیشیچه، تدارکات جریانی و لوازم ساتیب آلیش بیر هیأت تامانیدن عمل گه آشیریلگن و بو هیأت ملی خوفسیزلیک، ولایتی کینگش، مستوفیت ریاستی، معارف ریاستی و اقتصاد ریاستی‌نینگ نماینده‌لریدن تشکیل ایتیلگن.
باشقه تاماندن، جوزجان استیناف محکمه‌سی باشلیغی نینگ ایتیشیچه، مذکور ولایت نینگ عدلیه ریاستی‌نی حقوقی ایشلر آمری 15 مینگ افغانی رشوه آلیش‌گه عیب‌لنیب بیر ییل و ایکی حبس گه و صناعت و سوداگرلیک آمری وظیفه‌یی صلاحیت‌لریدن سوءاستعمال قیلیش‌گه عیب‌لنیب بیر ییل و بیر آی حبس گه محکوم ایتیلگن‌لر.
جناب حکیمی گه کوره، جوزجان محکمه‌سی ایشلاوچی‌لریدن بیری نینگ رشوه‌خورلیک دوسیه‌سی اوستیگه هم ایش قیلینماقده.
عین حالده، جوزجان یشاوچیلریدن بیرقطاری، مذکور ولایت نینگ قاره‌لاوچیلیگی و مسؤول اداره‌لریدن بو قضیه‌لرنی ظرف‌سیز شکلده تیکشیریب و نتیجه‌سینی آچیق شکلده نشر قیلیش‌لرینی سوره‌گن.
