جوزجان ولایتی نینگ مردیان تومنیده‌گی پولیس و مردمی کوچلر عایله اعضالری آت‌لری فاش ایتیلیشی نی ایستمه‌ی سلام‌وطندارگه ایتیشیچه، طالبان اولرنینگ باله‌لرینی گرو آلیب و کلتکله‌گن.
شونینگدیک سلام‌وطندارگه صحبت بیرگن جوزجان ولایتی مردیان تومنی ولسوالی مولوی شمس‌الدین نینگ ایتیشیچه، اوتگن کیچه طالبان مردیان تومنی نینگ فتح‌آباد و مردیان قیشلاق‌لریده کیریب، پولیس و مردمی کوچلر عایله‌سیگه تیگیشلی کمیده 200 باله و اوسمیر نی کلتکله‌گن.
مردیان تومنی ولسوالی گه کوره، طالبان گروهی حاضرگچه مردمی و پولیس کوچلریگه تیگیشلی 60 عایله نی زوردن کوچیرگن.
شو توغریده:
- 15 کون قیناق؛ طالبان اسیرلریدن بیری نینگ حکایه‌سی
غور؛ طالبان گروهی پسابند تومنی‌نی اقتصادی تحریم قیلیب و اهالی‌نی قیناققه ساله‌دی
عین حالده، جوزجان ولایتی کینگش اعضاسی امرالدین دانشجونینگ سلام‌وطندارگه ایتیشیچه، طالبان مردیان تومنیده‌گی مردمی و پولیس کوچلری عایله اعضالری نینگ قیناقلب زوردن کوچیرگن.
شونینگدیک جوزجان پولیس قومندانی عبدالواحد وجدان بو خبرنی تصدیقله‌گن.
بیراق طالبان سوزلاوچی‌لریدن بیری ذبیح‌الله مجاهد جوزجان ولایتی نینگ مردیان تومنیده باله‌لر و اوسمیرلر کلتک‌لنگنینی رد قیلیب ایتیشیچه، طالبان دشمن‌لری اولرگه قرشی دسیسه توزتماقده.
