شبرغان شهرینینگ افغان-ترک لیسهسی اوتکن کیچه دن بویان امنیتی کوچلر قمرویگه قرار تاپگن.
مذکور لیسه رسمیلرینینگ ایتیشیچه، امنیتی کوچ، ترکیهنینگ ناکام کودتا سیگه قولی بولگن اوچ اوقیتووچینی قولگه آلیش اوچون مکتبکه کیرگن، بیراق اولرنی محکمه دن اجازه نامهسی یوق.
شبرغان شهرینینگ افغان-ترک لیسه اورین باسری محمود صدیقینینگ ایتیشیچه، بوگون "شنبه" امنیتی کوچلر طلبهلر عایلهسینینگ قرشیلیکلری بیلن دوچ کیلگن دن سونگ زور بیلن مکتب گه کیریب طلبهلر اوستیگه اوق آتیب نتیجهده بیر عیال شامل اوچ کیشی یرهلنگن.
افغان-ترک مکتبی طلبهلرینینگ عایلهلری، امنیتی کوچلرنینگ بو اقدامینی قرهلب و مذکور لیسه اوقیتووچیلرینی قولگه آلینیشیگه اجازه بیرمهسلیگینی ایتهدیلر.
عینحالده جوزجان حاکمی مولوی لطفالله عزیزینینگ ایتیشیچه، افغانستان و ترکیه حکومتی آرهسیده صورت تاپگن کیلشوگه کوره، ترکیهنینگ ناکام کودتا سیگه قولی بولگن اوقیتووچیلرینینگ فعالیتی قانونگه قرشی دیر و باشقه اوقیتووچیلرنینگ یرلشتیریلیشی لازم. جناب عزیزی گه کوره، بو اوقیتووچیلر تامانیدن طلبهلر گه بیریلهدیگن حجتلر اعتبار سیز دیر.
جوزجان حاکمینینگ ایتیشیچه، حکومت بوتوغریده طلبهلر عایلهلری بیلن صحبت قیلهدی بیراق حاضرگچه اولر محلی حکومت ایستهکلری نی قبول قیلمهگن.
افغان-ترک مکتبلرینینگ ریاستی بیر اعلامیه ترقهتیش بیلن، امنیتی کوچلرنینگ اوشبو عملنی قانون گه قرشی عنوان قیلیب و مدیالردن بو واقعهنی پوشش آستیگه قرار بیریشینی سورهگن.
