جوزجان ولایتیده نماینده‌لر کینگشی سیلاوی نامزدلریدن بیرقطاری‌نینگ سلام‌وطندارگه ایتیشیچه، مذکور ولایت‌نینگ قرقین تومنیده بیر نامزدنینگ منفعتی اوچون تقلب قیلینگن.
اولرگه کوره، بولمسه تومنده یالغیز 2 آواز صندوققه توشگن؛ بیراق بیر نامزد بو تومنده چمه‌سی 250 آواز کسب ایتگن.
بو ادعانی قیلگن حلیمه صدف کریمی‌نینگ ایتیشیچه، بو تقلب آچیق صورتده یوز بیرگن و سیلاولر کمیسیونی‌نینگ مسؤوللری، بو تقلب‌نی تیکشیریب و تنیق آوازلرنی تقلبی آوازلردن اجره‌تیشی کیره‌ک.
نماینده‌لر کینگشی سیلاوی‌نینگ نامزدلریدن باشقه بیری سید عزیزالله الفتی‌نینگ ایتیشیچه، قرقین تومنیده بیریلگن آوازلردن کوپینچه‌سی سایره شکیب سادات نینگ نفعی گه فایده‌لنگن.
شونینگدیک، جناب الفتی سیلاولر کمیسیونلریدن تقلبی آوازلرنی قاره‌لشینی طلب قیلدی.
عین حالده، سایره‌شکیب سادات نینگ ایتیشیچه، مذکور تومنده فایده‌لنگن آوازلرنی برچه‌سی اونینگ نفعی گه صندوققه توشمه‌گن.
او، بو ادعالرنی دسیسه بیلیب سیلاولر کمیسیونی‌نینگ ایشلاوچی‌لرینی خاص بیر نامزد دن طرفدارلیک قیلیش‌گه عیب‌له‌یدی.
شونده‌ی بیرحالده، سلام‌وطندارگه صحبت بیرگن سیلاولر ایرکین کمیسیونی‌نینگ ولایتی دفترینی سرپرستی حمیدالله بلوچ نینگ ایتیشیچه، قرقین تومنیده یالغیز 2 ایشانچلی آواز فایده‌لنگن و قالگن آوازلر تیکشیریله‌دی.
بلوچ نینگ کوپه‌یتیریشیچه، تقلب گه قول اورگن ایشلاوچی‌لر قانون اساسیده تیرگاو قیلینه‌دی.
عین حالده، سیلاولر شکایت‌لرینی تینگلش کمیسیون کاتبی عبدالسلام نزهت نینگ ایتیشیچه، قرقین تومنیده یالغیز 2 آواز امان‌الله شریفی‌نینگ نفعی گه فایده‌لنگن و باشقه 239 آواز باشقه کاندیدلرنینگ نفعی گه بایومتریک سیز صندوققه توشگن.
او، مسؤول اداره‌لردن بو موضوع نی تیکشیریب و عامل‌لرینی قارلاوچیلیک‌که تانیشتیریشی‌نی سوره‌گن.
