جوزجان ولایتی‌نینگ آقچه تومنی‌ده بیر ملا 14 یاشر قیزی‌گه جنسی زورله‌گن. جوزجان امنیه قومندانلیگی خوفسیزلیک آمری عبدالحفیظ خاشع، اوشبو خبرنی تصدیق‌لب سلام‌وطندارگه ایتیشیچه، آقچه تومنی‌نینگ بیرینچی ناحیه‌سیده یشه‌یدیگن اوشبو تومار یازووچی ملا یاش قیزی‌نینگ اوستی‌گه جنسی زورله‌گن.
جناب خاشع‌نینگ ایتیشیچه، اوشبو کیشی پولیس کوچلری تامانیدن قولگه آلینگن و بو قضیه توغری‌سیده تیرگاو باشلنگن. جوزجان امنیه قومندانلیگی خوفسیزلیک آمری‌گه کوره، مذکور قیز و آنه‌سی خوفسیزلیگی تأمین‌لنگن اوی‌گه آلیب باریلگن‌لر.
بو واقعه نیچه کون آلدین یوزبیرگن ایکن، بیراق آته‌سی واقعه فاش ایتیلیشی‌دن قورقیب تورموش اورتاغی و قیزی‌نینگ حبس‌گه تشله‌گن. نتیجه‌ده قیز بیلن آنه‌سی بوگون حبس‌دن قاچیش‌گه موفق بولیب و اوزلرینی یقین‌لریده‌گی امنیتی کوچلرگه تاپشیرگن‌لر.
