جوزجان ولایتی درزاب تومنی‌نینگ محلی رسمی و یشاوچیلری نینگ ایتیشلریچه، اوزبیکستان اسلامی تحریک حزبی نینگ رهبری طاهر یولداش نینگ اوغلی ملک طاهر اوف باله لرگه خودکش هجوملرنی اورگتیب کیلماقده.
درزاب تومن حاکمی بازمحمد باور سلام وطندار بیلن اوتگزگن صحبتیده ایتیشیچه، شو حاضرگی پیتده جوزحان ولایتی نینگ درزاب تومنی‌ده، اوزبیکستان اسلامی تحریک حزبی‌نینگ سابق باشقرووچی سی طاهر یولداش نینگ اوغلی ملک طاهر اوف و مذکور حزب نینگ ییریک اعضالریدن بیری جمعه اکه باله لرگه خودکش هجوملرنی اورگته دیلر.
درزاب حاکمی گه کوره، حاضرگی پیتده داعش گروهی مذکور تومن‌نینگ سردره و مغل‌القانی منطقه لریده اوزبیکستاننینگ اسلامی تحریک حزبیده فعالیت قیلیش زمینه یره‌تگن که باله لرگه خودکش هجوملرنی اورگتیب و عملگه آشیرسه لر.
جوزجان ولایتی درزاب تومنی پولیس قوماندان‌لیگی‌نینگ سرپرستی عبیدالله نوری اوشبو خبر نی تصدیق‌لب، درزاب تومنی‌ده طاهر یولداش نینگ اوغلی بیلن پاکستان‌لیک لر باله لرگه انتحاری هجوملرنی تعلیم بیریش بیلن شغلله‌نیب کیلیشلرینی بیلدیرگن.
جناب نوری، جوزجان ولایتی درزاب تومنی‌نینگ سردره منطقه‌سیده طاهر یولداش نینگ اوغلی اون ایکی یاشر باله لرگه پول بیریب یا زور بیلن خودکش هجوملرنی اورگه تیشگه مجبور قیلگن دیگن.
شونینگ‌دیگ جوزجان ولایتی درزاب و قوش‌تپه تومن لری نینگ یشاوچیلری مذکور ولایتده طاهر یولداش نینگ اوغلی باله لرگه خودکش هجوملرنی تعلیم بیریشیدن خواطر بیلدیریب، دولت اوشبو تومنده تازه لش حربی عملیات نی یولگه قویمه گن صورتده، اوزبیکستان اسلامی تحریک حزبی‌نینگ فعالیتی کینگه یشی ممکن‌لیگینی ایتگنلر.
