جوزجان یشاوچیلری‌نینگ شهر ایچیده مخدرماده‌گه بیریلگنلر سانیگه آرتیریلیشیدن خواطر بیلدیریب، شبرغان شهری‌نینگ یوللری چلینگنلر اوچون تینچ محله بولگن و یول اوتوچیلرگه هجوم قیله‌دی دیدیلر.
یشاوچیلرگه کوره، مخدرماده‌گه چلینگنلر قوللریده‌گی چاقو ویا تیمیرلر بیلن یول اوتووچیلر اینیقسه خاتین قیزلرگه هجوم قیلیب، پول و بهالی نرسه‌لرینی زوردن تارتیب آله‌دیلر.
شبرغان یشاوچیسی محبوب‌الله مهران‌نینگ سلام‌وطندارگه ایتیشیچه، یشاوچیلرنی تروریستلردن کوره معتادلر دهشت‌گه سالگن.
او، مخدره ماده‌گه چلینگنلر شهر ایچیده خاتین قیزلرگه هجوم قیلیب و اولدیریشگه تهدید قیلیب قیمتی نرسه‌لرینی قوللریدن آله‌دی.
شبرغان شهری‌نینگ باشقه بیر یشاوچیسی امیر محمد، بیرار پیت مخدرماده‌گه چلینگنلر یشاوچیلر اوییگه هجوم قیلیب اویلرینی تالان قیله‌دیلر دیدی.
جوزجان پولیسی‌نینگ سوزلاوچیسی محمد رضا غفوری‌نینگ سلام‌وطندارگه خبرنی تأیید قیلیب، کون سایین مخدرماده‌گه چلینگنلر ولایت و شهر بویلب کوپلبماقده دیدی.
او، معتادلرنی شهردن ییغیشتیریب و اولرنی مداوا قیلیش باره‌سیده زمینه یره‌تیش اوچون ایشانچ بیره‌دی.
جوزجان مدنی فعاللری هم شهر یوللریده معتادلر توپله‌نیب یورگنیدن تشویش بیلدیریب، شهر ایچیدن مخدرماده‌گه چلینگن لرنی ییغیش‌گه حکومت ایشلری تأثیرلی ایمس و هرمرته حکومت معتادلرنی ییغیب آلیب کیتیشیدن نیچه کون اوتمسدن ینه اولر چیقیب یوللرگه یاته‌دی دیدیلر.
