جوزجان ولایتی ده بیر ییگیت آنه‌سی و سینگلیسی‌نی بیچاقلب اولدیرگن. جوزجان امنیتی رسمی‌لری‌نینگ ایتیشیچه، اوشبو واقعه اوتگن کیچه مذکور ولایت‌نینگ خواجه‌دوکوه تومنی تواش قیشلاغی‌ده یوز بیرگن.
سلام‌وطندار بیلن صحبت اوتکزگن جوزجان پولیس قومندانلیگی‌نینگ جنایی جرم‌لرگه قرشی کوره‌ش مدیریتی کشفی آمری نعمت‌الله کوه‌زادنینگ ایتیشیچه، گلبدین ناملی مذکور ییگیت آنه‌سی و سینگلیسی‌نی قوشنی‌نینگ اوغلی بیلن جنسی علاقه سی بارلیککه عیب لب اولدیرگن.
جناب کوه‌زادگه کوره، قاتل محل‌دن قاچیب کیتگن، بیراق پولیس کوچلری قاتل‌نی قولگه آلیش خصوصیده تیرگاو باشله‌گن.
جوزجان امنیتی رسمی‌لری‌نینگ ایتیشیچه، اوشبو ییگیت‌نینگ آنه‌سی 58 یاشیده و سینگلیسی 20 یاشیده ایکن. بو واقعه جاری ییل جوزجان ولایتی‌ده رویخط‌گه آلینگن بیرینچی ناموسی قتل سنله‌دی.
