.jpg)
جوزجان ولایتی قوش‌تپه تومن محلی قومندانی شیرعلی‌نینگ سلام‌وطندارگه ایتیشیچه، طاهر یولداش‌نینگ اوغلی و پاکستانلیک جنرال شیخ ندیم جوزجان ولایتی‌نینگ درزاب و قوش‌تپه تومن چیگره‌سیده، طالبان اوچون عسکر توپلماقده.
جوزجان مدنی فعال‌لریدن گلبدین ظاهری، درزاب و قوش‌تپه تومنیده‌گی چیت‌ایل جنگری‌لری نینگ فعالیتی‌دن خواطر بیلدیریب آگاه‌لنتیریشیچه، حکومت تیزلیکده بو تومن‌لرده عملیات یولگه قویمه‌گن صورتده خوفسیزلیک تهدیدلر جوزجان مرکزی‌ده ییتیشی ممکن.
آتی فاش ایتیلیشی نی ایستمه‌گن جوزجان ولایتی قوش‌تپه تومنی‌دن بیر منبع طاهر یولداش‌نینگ اوغلی پاکستانلیک بیر جنرال شیخ ندیم بیلن قوش‌تپه و درزاب تومنی‌ده فعالیت باشله‌گن‌لرینی تَن‌آله‌دی.
بیراق، طالبان سوزلاوچی‌لریدن ذبیح‌الله مجاهد چیت‌ایللیک کوچلرنینگ حضوری نی رد قیله‌دی.
.jpg)
طاهر یولداش اورته آسیا اسلامی حرکتی‌نینگ اونملی رهبرلریدن حسابلنه‌دی و اونینگ عسکرلریدن کوپینچه‌سی اوزبیک، تاجیک و قرقیز دیر. او، 1990- ییل‌ده سیاسی فعالیت‌لرینی باشلب و 24 یاشرلیگیده اوزبیکستان‌ده اوزینی «نمنگان امیری» اعلام قیلدی و نهایتده 2009- ییل‌ده هلاک بولدی.
بوندن آلدین جوزجان ولایتیده مذکور اسلامی حرکت رهبرلریدن بیریسی‌نینگ اوغلی داعش نفعی‌ده فعالیت ایتیشی‌دن خبرلر چیققن ایدی، عین‌حالده، حاضر محلی منبع‌لرنینگ ایتیشیچه، طاهر یولداش‌نینگ باشقه بیر اوغلی طالبان نفعی‌گه فعالیت قیله‌دی.
