جوزجان ولایتی خماب تومنی‌نی ولسوالی انجنیر احمدنینگ سلام‌وطندارگه ایتیشیچه، روس اوروش‌لریدن قالگن 6 زرهی تانک طالبلر تامانیدن پارچه‌له‌نیب پاکستان‌گه 700 مینگ افغانی ساتیلگن.
اونینگ ایتیشیچه، خمات تومنی‌نینگ وضعیتی کون اوتیش بیلن یمان بولماقده و طالبلر نظارت‌لریگه آلگن منطقه‌لرنینگ امکانیت‌لرینی تالان قیلیب و اهالی اوستیگه ینگی قانون‌لرنی قویگنلر.
عین‌حالده، جوزجان حاکمی‌نینگ اورین باسری عبدالرحمان محمودی‌نینگ بو خبرنی تصدیق‌لب سلام‌وطندارگه ایتیشیچه، تانک‌لردن قوله‌نیب بولمه‌یدی؛ بیراق طالبلر بو تانک‌لرنی کم پول‌گه ساته‌دیلر و اونینگ پولی بیلن جنگری‌لرینی کوچلی قیله‌دی.
اونینگ کوپه‌یتیریشیچه، بو تومن‌نی طالبلر وجودیدن تازه‌لش اوچون تیزلیک‌که بیر حربی عملیات یولگه قویله‌دی.
عین‌حالده، طالبلر سوزلاوچیسی ذبیح‌الله مجاهد، تانک‌لرنینگ بو گروه تامانیدن قاچاق ایتیلیب ساتیلیشی‌نی رد قیله‌دی.
