جوزجان ولایتی خماب تومن مسئولری‌نینگ ایتیشیچه، طالبلر اوشبو تومن نی بوتونلی نظارت گه آلگن‌لریدن کیین دولتی بنالرینی تخریب قیلیب و کونده هر بیر عایله‌دن 3 وقت آذیق-آوقت و هر آی بیر مینگ افغانی پول آله‌دیلر.
سلام‌وطندارگه صحبت بیرگن جوزجان ولایتی خماب تومن ولسوالی انجنیر احمدنینگ ایتیشیچه، طالبان خماب تومنی نی بوتونلی نظارت‌گه آلگن‌لریدن کیین دولتی بنالرنی تخریب قیلیب و بوندی قانونلر وضع قیلگن.
خماب تومن ولسوالی‌گه کوره، طالبلر کون اوتیشی بیلن اهالی‌نینگ اوستیگه ینگی قانونلر وضع قیلیب و یشاوچیلرنی یمان وضعیت‌ده قرار بیرگن.
خماب تومن یشاوچیلریدن قطاری حکومت‌دن تنقید قیلیب ایتیشلریچه، دولت مذکور تومن نی طالبلرگه تاپشیرگنیدن کیین اهالی حیاتی‌نینگ وضعیتی یمان بولگن.
اوشبو تومن یشاوچیلری‌نینگ آگاه‌لنتیریشیچه، حکومت تیزلیک‌که بو تومن‌ده تازلش عملیات یولگه قویمه‌گن صورتده، آچلیک اولرنی اولدیره‌دی. اولرگه کوره، طالبان هر بیر عایله‌دن هر وقت 20-40 کیشی گه آذیق-آوقت تیار ایتیش‌‍لرینی سوره‌گن.
جوزجان مدنی فعاللری‌نینگ ایتیشیچه، حربی عملیات آرقه گه قالیشی اهالی‌نینگ کوپلب طالبان آرقلی هلاک بولیشی گه سبب بوله‌دی و بو گروه هیچ‌قندی ظلم و زودن قول تارتمه‌یدی.
طالبان حاضرگچه بو توغریده رسانه‌لرگه هیچ بیر نرسه دیمه‌گن.
