.jpg)
جوزجان ولایتیده آتی فاش ایتیلیشی‌نی ایستمه‌گن محلی بیر منبع نینگ سلام‌وطندارگه ایتیشیچه، طالبان گروهی قوش‌تپه تومنیده قورال و مخدره ماده ساتیب-آلینه‌دیگن ایکی خاص بازار ایجاد قیلگن. اونگه کوره، طالبان گروهی بو بازارلرنی محل اهالیسی و قورال و مخدره ماده قاچاقچی‌لری بیلن بیرگه مذکور تومن نینگ «چقمه چقور» قیشلاغیده توزه‌تگن.
سلام‌وطندار اختیاریگه توشگن معلومات‌لرگه کوره، مذکور بازار ده بیر میل کلاشینکوف 50 دن 100 مینگ افغانی، بیر میل تفنگچه 25 دن 55 مینگ افغانی، بیر میل پیکا 150 دن 400 مینگ افغانی و مدرن قوراللر 600 مینگ افغانی ساتیله‌دی و شونینگدیک، بیر کیلو گرام مخدره ماده 2500 دن 3000 افغانی‌گه‌قدر ساتیله‌دی.
جوزجان ولایتی نینگ قوش‌تپه تومنی یشاوچی‌لریدن بیرقطاری نینگ اوشبو تومنده مخدره ماده‌لر و اوروش جهازلری ساتیب- آلینه‌دیگن بازار ایجاد ایتیلیشیدن خواطر بیلدیریب ایتیشیچه، طالبان گروهی قطار عایله‌لرنی بو گروه جنگریلری‌گه قورال آلیب بیریش‌گه مجبور قیله‌دی.
عین‌حالده، جوزجان حاکمی سوزلاچیسی فریدون انیق نینگ بو خبرنی تصدیق‌لب ایتیشیچه، طالبان گروهی مخدره ماده‌لر و اوروش جهازلرینی ساتیش بیلن اوزلرینی تمویل قیله‌دی.
قوش‌تپه، جوزجان ولایتی نینگ ناتینچ تومن‌لریدن بیری دیر و طالبان گروهی چکه‌سیده، داعش جنگریلری هم بو تومنده فعالیت قیله‌دی.
