اوتگن "دوشنبه" کونی تخار ولایتی نینگ خواجه‌غار یشاوچی‌لری، طالبان گروهی‌گه قرشی اعتراض بیلدیریب اوشبو گروهی نینگ جنسی زوروانلیک‌که عیب‌لنگن اعضالرینی محکمه قیلینیشی‌نی سوره‌گنلر.
تخار محلی مسووللری نینگ ایتیشیچه، اعتراضچی‌لر طالبان تامانیدن اوققه توتیلیب و نتیجه‌ده 3 کیشی هلاک ایتیلگن.
خواجه‌غار پولیس قومندانی محمداسحاق نینگ سلام‌وطندارگه ایتیشیچه، اوشبو تومن نینگ «دوبندی، چیچکه و مینگ‌چقور» یشاوچی‌لری طالبان نینگ جنسی زوروانلیک‌که عیب‌لنگن اعضالری نینگ محکمه قیلینمه‌گنی‌گه قرشی اعتراض بیلدیریب، بیراق طالبان تامانیدن اوققه توتیلگن.
اونینگ ایتیشیچه، اعتراضچی‌لر طالبان گروهی‌دن جنسی زوروانلیک‌که عیب‌لنگن کیشی‌لرنی اعدام قیلینیشی‌نی ایسته‌گنلر، بیراق طالبان تامانیدن اوققه توتیلیب نتیجه‌ده 3 کیشی هلاک و باشقه 3 کیشی یره‌لنگن.
ایکی هفته آلدین بیرقطار مردمی و محلی منبع، تخار ولایتی نینگ خواجه‌غار تومنیده 14 یاشر بیر قیزنی طالبان اعضالری تامانیدن جنسی زورلنگنی‌دن خبر بیرگن ایدی.
خواجه‌غار پولیس قومندانی نینگ کوپه‌یتیریشیچه، طالبان جنگریلری اهالینی اعتراض‌گه اشتراک قیلیشی‌گه توسیق بولیش اوچون کوچه‌لرده جایلشگن.
بیراق، محلی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، جنسی زوروانلیک‌که عیب‌لنگن جنگریلرنینگ قولگه آلینمه‌گنی سبب، اهالی اعتراض بیلدیرگن.
منبع نینگ ایتیشیچه، طالبان گروهی مذکور عیب‌لنگن کیشی‌لرنی خواجه‌غار تومنیدن باشقه تومن‌ده انتقال بیرگن.
طالبان گروهی حاضرگه‌قدر بوتوغریده فکر بیلدیرمه‌گن.
