.JPG)
فاریاب ولایتی‌نینگ مرکزی میمنه شهریده جمهور رییس‌نینگ بیرینچی اورین باسری جنرال عبدالرشید دوستم‌نینگ طرفدارلری بلخ ولایتیده جنرال دوستم‌نینگ عکسی توشیریلگن‌لیگی‌گه قرشی نمایش اوتکزیب اعتراض بیلدیرگن‌لر.
ینگی ییل کیچه‌سی مزارشریف شهری‌نینگ کامگار تورت یولیده جنرال دوستم‌نینگ بیر صورتی نامعلوم قوراللی شخص‌لر تامایندن توشیریلیشی ولایت سرپرستی عطامحمد نور و جنرال دوستم طرفردارلری اورتهسیده قرمه – قرشیلیک‌لرگه باعث بولدی.
اوتگن کون (سه‌شنبه 3 حمل) مزار شریف شهری عطامحمدنور عبدالرشید دوستم طرفدارلری تامانیدن اوتکزیلگن ییریک نماش‌لرنینگ گواهی بولدی. جناب دوستم نینگ طرفدارلر حادثه تیکشیریلیب واقعه عامل‌لری قولگه آلینیب، جزاله‌نیشی باره‌سیده تاکیدله‌گنلر. شونینگ دیک عطا محمد نورنینگ طرفردارلر ولایت سرپرستی‌دن حمایت بیلدیریب خایانگه لرگه چیققن‌لر.
بو ایکی شخص نینگ طرفدرالری اجتماعی اخبارات واسطه‌لریده توغریدن – توغریدن بیر – بیراولریگه موضع آلگن‌لر.
.JPG)
شونینگ‌دیک بوگون فاریاب ولایتی‌نینگ مرکزی میمنه شهریده یوزلب کیشی اعتراض بیلدیریب، جنرال دوستم عکسی‌گه «حرمت‌سیزلیک» بولگن‌لیگی‌نی قاره‌لب، واقعه عامل‌لری قولگه آلینیشی‌نی سوره‌گن‌لر.
اعتراضچی‌لری ولایت سرپرستی شامل بلخ ولایتی‌نینگ مسوول‌لری حادثه‌گه دخیل دار ایکن‌لیگینی تیل‌گه آلگن‌لر. شونینگ‌دیک نمایشچی‌لر حکومت‌دن بلخ ولایتیده « تک حزبی حکومت» گه پایان بیریش‌نی سوره‌گن‌لر. اولر، ولایت‌دن استقامت قیله دیگن برچه قوم‌لرگه حق بیریلیشی‌نی سوره‌گن‌لر.
افغانستان بیراغی همده دوستم‌نینگ فوتو صورت‌لرینی کوتاریب ملی بیردملیک شعارلرینی تیل‌گه آلگن اعتراضچی‌لری، جناب دوستم فوتو صورت‌لریگه حرمت‌سیزلیک قیلگن شخص‌لر قولگه آلینیب، جزالنمه‌گن تقدیرده، مدنی اعتراض و نمایش‌لریگه دوام بیریش‌لری حقیده آگاهلنتیریگن‌لر.
اما، بلخ ولایت والیسی‌نینگ سوزلاووچی‌سی منیر فرهاد، بو ایش نا تانیش قوراللی شخص‌لر تامانیدن عمل‌گه آشیریلگن لیگینی ایتیب، مساله اوچون بلخ محلی رسمیلری قولی بولگن لیگینی رد قیلگن.
او، ولایت‌نینگ تیگیشلی اداره‌لری موضوع یاروتیلیشی اوچون تیرگاو باشله‌گن لیک‌لرینی ایتگن.
