جمهورلیک سرایی نینگ اقتصادی مصلحت بیروچیلر بودجهسی، جمهور رییس تامانیدن ایرکین لشتیریش تقنینی فرمانی کوپلب آواز بیلن رد ایتیلدی. بو فرمانگه قره گنده، جمهور رییس اقتصادی مصلحتچیلری نینگ بودجهسی ایرکین شکلیده آلینماقده ایدی.
حاضرگه قدر جمهور رییس ایریم بولیملرده 4 تقنینی فرمان بیرگن و بولر برچهسی کینگش تامانیدن رد ایتیلدی.
اما نمایندهلر کینگشی نینگ ملی اقتصاد کمیسیون باشلیغی شیرولی وردک نینگ ایتیشیچه، اوتگن هفته ایشلر ادارهسی تامانیدن قولگه کیریتگن نامه گه کیلیشیچه، جمهورلیک سرایی اقتصادی مصلحتچیلری اوچون ایری بودجهیی اداره ایجاد بولیشینی ایستهمیدی بلکیم، ایشلر ادارهسیده بو بولیمده بیر اداره ایجاد بولیشینی سورهگن.
جناب وردک، جمهور رییس نینگ ایری بودجهیی اداره آچیلیشی ایستهمگنلیگینی بیرهفته گه قدر انیقلنتیریلهدی دیگن.
کینگش باشقه بیر اعضاسی نذیر احمدزی نینگ ایتیشیچه، جمهور رییس نامه یوباریشی بیلن پارلماننی حقوقی صلاحیتینی صلب قیله آلمیدی.
اون کون آلدین هم کینگش اعضالری جمهور رییس تامانیدن گمرکلر قانونیگه تعدیل کیلیش، مالی امورات درآمدی، اوتیش-قیتیشلر جوازی و مخابراتی شبکهلردن مالیات آلیش بارهسیده بیرگن تقنینی فرمانلرینی رد قیلگن ایدیلر.
کینگش نمایندهلری نینگ تعطیللیگیده بو فرمانلر بیریلگن ایدی و اولکه اساسی قانونی 79- ماده سیگه قره گنده، جمهور رییس کینگش اعضاسی تعطیل بولگن پیتده، اقتصاد بوییچه فرمان صادر قیلیش حقی یوق ایکن و شوندهی بیر حالده، کینگش قیله آلهدی تعطیلات دورهسیدن کیین بو فرمانلرنی رد قیلسه.
