جمهور رییس محمداشرف غنی نینگ قندوزگه ایکینچی قیلگن سفریده، قندوز ملی امنیت باشلیغی، وظیفه بجریشدن غفلت قیلگن دیب، بو ریاست بیر تعداد ایشلاوچیلری و پولیس کوچلریدن۲۰ کیشی ایشدن آلینیش بویروغینی بیردی.
قندوز سقوطی‌دن کیین جناب غنی لایت باریب، ملی امنیت ایشلاوچیلرینی آلقیشلب اولرنی قهرمان دیگن ایدی.
پنج‌شنبه کونی جناب غنی قندوز ده باریب ایشدن آلینگن کیشیلر حربی اصوللر اساسیده عدلی و قضای آرقه‌لی تعقیب بوله‌دیلر دیگن.
شونینگ‌دیک جمهور رییس بو سفرده جنرال بیگ‌نی قندوز ملی امنیتی عنوانیده معرفی قیلدی.
جمهور رییس نینگ ایتیشیچه، حقیقت‌تاپیش هیاتی نینگ قندوزدن تاپگنلریگه کوره، محلی اداره ایشلاوچیلری ناکام‌لیگی، اینیقسه ولایت ملی امنیت ایشلاوچیلری ضعفی باعث قندوز طالب‌لر قولیگه سقوط قیلگن.اونینگ ایتیشیچه، اوزیدن قهرمانلیک کورستگنلر آلقیشگه سزاوار و اوروش میدانیدن قاچگنلر باید جزالنسه.
جناب غنی نینگ بوسفریده شونینگ‌دیک کیله‌سی اوچ هفته گه قدر نیچه کیشی تعین ایتیب «مستعد» کیشیلرنی قندوز محلی اداره‌لریگه معرفی قیله‌دی تا بولر تومنلرده طالب‌لرگه قرشی کوره‌شیش میدانیدن قاچگنلر فهرستینی تهیه بولیب انیقلنسه دیگن.
بو تعیین ایتیلگن گروه، ترانسپورت وزیری محمدالله بتاش تمانیدن باشقریلیب کیله‌دی. شونینگ‌دیک جناب بتاش اوچ هفته گچه قندوز سرپرستی عنوانیده قالیب ایش قیلیشی ایتیله‌دی.
جمهور رییس بوسفرده گل‌باد، آقتاش و گل‌تپه نام‌لریگه اوچ ینگی واحد و بیر پولیس مرکزی قندوز امنیتی نهادلریگه ایجاد قیلدی. جناب غنی قندوز شهری ماسترپلانینی هم منظور قیلگن.
باشقه بیرتماندن قندوز یشاوچیلریگه کوره، جمهور رییسنی بو ولایت‌گه سفر قیلیشی و اونینگ یولاوچی تیگ اوچری قندوز هوا قونالغه سیدن کوتریلگن زمان، طالب‌لر شهر اوچ نقطه سیگه موشک آتگنلر.
ایکی آی آلدین طالب‌لر گروهی قندوز شهریگه یوکسک هجوم اوتکزیب، اون کونگه قدر شهرنی تصرف قیلگن ایدی.
حادثه دن کیین افغانستان جمهورلیک سرایی، بو باره ده حقیقتلرنی تاپیش اوچون قندوزگه بیر کمیسیون تشکیل بیریب یوباردی. مذکور کمیسیون تیکشیروو نتیجه‌سی ۶ کون آلدین اعلام ایتیلدی.
حقیقت‌تاپیش کمیسیون باشلیغی امرالله صالح، تیکشیروو نتیجه‌سینی ارایه قیلیش پیتیده «قاره توپراغ ترماقلر» و حکومت رهبرلری ضعیف‌لیگی باعث شهر سقوط قیلگن ایکن دیگن.
