جمهور رییس غنی ایرته تاجیکستان‌گه سفر قیله‌دی. غنی افغانستان، پاکستان و تاجیکستان ارا اوتکزیله‌جک اوچ تامانلمه ییغین‌ده اشتراک قیله‌دی.
جمهور رییس سوزلاووچیسی نینگ اورین باسری دواخان مینه‌پال سلام‌وطندارگه بیرگن صحبتی‌ده، ییغین‌ده امنیت، اقتصاد و باشقه مهم مساله‌لر اوستیده گپیریله‌دی دیگن.
جناب مینه‌پال، جمهور رییس غنی اوشبو سفر جریانیده تاجیکستان جمهور رییسی امام علی رحمان و پاکستان باش وزیری نواز شریف‌لردن ترورچیلیک، تجاری مناسبتلر کینگیتیریلیشی، کاسا بیرمینگ لایحه‌سی همده تاجیکستان و قرقزستان آرقه‌لی 1300 میگاوات برق افغانستان و پاکستانگه آلیب اوتیلیشی باره‌سیده بحث قیله‌دی دیگن.
ییغین سونگیده اوچ دولت نینگ رهبرلری اورته‌سیده قول قوییله‌دیگن قوشمه شرطنامه توغریسی‌ده تفصیلات بیریلیشی کوتیله‌د‌ی.
