افغانستان جمهور رییسی 12 ایرکین مدیانی تقدیرلش بیلن مطبوعات خلق ارا کونی‌نی نشالنه‌دی.
انه شو مناسبت بیلن بوگون (چهارشنه) جمهور رییس‌لیک سرایی‌ده اوتکزیلگن ییغین‌ده جمهور رییس غنی، کابینه اعضاسی، حکومت سوزلاوچی‌لری و اخبارات واسطه‌لری‌نینگ نماینده‌سی اشتراک قیلگن ایدی.
سلام‌وطندار رسانه‌یی ترماغی‌نینگ خبرچی‌سی وحیده‌فیضی، آریانا نیوز ترماغی خبرچی‌سی فره‌ناز فروتن، طلوع تلویزیونی‌دن ولی آرین، یک تلویزیون‌نینگ خبرچی‌سی بشیراحمدقاسانی، شمشاد ترماغی‌نینگ خبرچی‌سی شکیلا شیرزاد، هشت صبح کونده‌لیگی‌دن ظفرشاه‌رویی عاموی اخبارات واسطه‌لریده آلیب بارگن سعی وحرکت‌لری اوچون دولت‌نینگ عالی مدالی بیلن تقدیرلندیلر.
خورشید، آینه، اطلاعات روز، مانگدار و یسا کونده‌لیگی نینگ خبرچی‌لری هم جمهور رییس تامانیدن تقدیرلندیلر.
ییغین‌ده سوزله‌گن جمهور رییس غنی‌نینگ ایتیشیچه، سوز ایرکین لیگی‌نینگ قول‌گه کیریتگن یوتوقلری هنوز هم تورلی معمالر بیلن روپه‌ره. شونینگ‌دیک غنی، اخبارات واسطه‌لری خادملری امنیتی و اقتصادی قیینچ‌لیک‌لری بر طرف ایتیلیشی اوچون تیگیشلی وزیرلیک‌لر بیلن صحبت قیلیش‌نی ایتگن.
