افغانستان بوییچه ناتو کوچلری عمومی قومندانی جنرال جان نیکلسون، افغانستان حکومتی بیلن طالب‌لرنینگ آره‌سیده تینچلیک سوزلشوولری یولگه قوییلیشی‌دن حمایت قیلیب ایتیشیچه، افغانستانده تینچلیک تأمین‌لنیشی اوچون افغان امنیتی کوچلریگه یاردم بیریش‌گه مسؤول بولگن‌لر و شو یوزه‌دن بو تکلیف‌ده افغانستانلیک‌لرگه یاردم بیره‌دیلر.
نیکلسون شرط قوییلمس دن افغانستان دولتی بیلن طالب‌لرنینگ آره‌سیده تینچلیک سوزلشوولری یولگه قوییلیشی‌نی خوش قرشی‌لب و طالب‌لرنینگ اوستیگه اجتماعی باسقین‌لر کوپه‌یگنیدن خبر بیردی. اونینگ کوپه‌یتیریشیچه: «افغانستانده سیلاو یولگه قوییله‌دی، افغانستان اهالیسی کیله‌جک رهبرلرینی تنله‌یدی و شونینگ‌دیک، اندونیزیا و باشقه ییرلرده دین عالم‌لری‌نینگ ییغین‌لری یولگه قوییلیب طالب‌لرنینگ اوستیگه مذهبی باسقین‌لر کیریتیله‌دی و افغانستانده جهادنینگ دینی اساسی اولردن آلینه‌دی.»
جنرال نیکلسون‌نینگ ایشانچی گه کوره، جمهور رییس غنی تامانیدن طالب‌لرگه بولگن سونگی تینچلیک تکلیفی فرقلی و اُمیدلی دیر. اونینگ کوپه‌یتیریشیچه، کابل تینچلیک ییغینی، طالب‌لرنینگ اوستیگه بولگن دینی، دیپلماتیک، حربی و اجتماعی باسقین‌لر و شونینگ‌دیک، طالب‌لر تامانیدن امریکاگه یوباریلگن نامه افغانستانده تینچلیک تأمین‌لنیشی گه امید توغدیره‌دی؛ امریکا هم پاکستان‌نی اوستیگه تینچیلیک لایحه‌سیدن حمایت قیلیش اوچون فشار کیلتیره‌دی و بو فشارلر دییرلی بیر نتیجه گه قول تاپگونگه‌قدر دوام تارتیشی ممکن.
نیکلسون گه کوره، طالب‌لرگه قرشی حربی باسقین‌لر هم دوام ایته‌دی. او بو توغریده کوماندو کوچلری ایکی برابر بولیشی، هوا کوچلری کوپه‌یتیریلیشی و افغان حربی‌لریگه تعلیمات بیریش اوچون امریکا حربی مصلحتچیلری کوپه‌ییشی و افغان حربی کوچلریگه همکارلیک قیلیش‌لری اوستیگه تأکیدله‌دی.
