مملکت جمهور رییسی، نیچه آسیایی مملکت‌گه سفر قیلگنی‌دن کیین، بوگون «سه‌شنبه» ارگ‌ده خبری بیر ییغین اوتکزیب خبرچی‌لرنینگ سوراقلریگه جواب بیردی. جمهور رییس محمد اشرف غنی، جمهورلیک ریاستی بیرینچی اورین باسری جنرال عبدالرشید دوستم‌نینگ قضیه‌سی توغریسیده سوراققه جواب ایتیشیچه، بو ایکی کیشی‌نینگ آره‌سیده بولگن ادعا و عدلی و قضایی مسئله بولگنی اوچون دولت بو توغریده طرفسیز دیر.
جناب غنی‌نینگ ایتیشیچه، دوستم باش قاره‌لاوچیلیک اجازه‌سی بیلن ترکیه گه سفر قیلگن.
جمهور رییس محمد اشرف غنی، تاجیکستان، قزاقستان و ترکمنستان‌گه قیلگن سونگی سفرلرینی یوتوقلی بیلیب ایتیشیچه، کاسا بیرمینگ پروژه عملی ایش قیلگن‌ده، افغانستان کیله‌جک 5 ییل‌گچه بیر میلیارد دالر درامد قولگه کیریته‌دی.
کیم‌نینگ فریاد چیکیشی معلوم بولیشی کیره‌ک
اوتگن کون «دوشنبه» خبری بیر ییغینده اجراییه ریاستی ایکینچی اورین باسری محمد محقق‌نینگ ایتیشیچه، کابینه ییغین‌لریده جمهور رییس، بیرقطار وزیرلرنینگ اوستیگه فریاد چیکیب و اولردن استعفا بیریش‌لرینی سوره‌یدی، بیراق بوگون جناب غنی‌نینگ ایتیشیچه، کیم‌نینگ فریاد چیکیشی معلوم بولیشی کیره‌ک. جناب غنی، توغریدن توغری محقق گه اشاره قیلمه‌گن، لیکن اورغولشیچه، قانون اونگه وزیرلرنی ایش‌دن آلیش و ایش‌گه تعیین ایتیش اوچون صلاحیت بیرگن.
جمهور رییس غنی‌نینگ بلخ حاکمی عطامحمد نور بیلن سوزلشگنی توغریسیده ایتیشیچه، جناب نور افغانستان‌نینگ تانیقلی سیاستچی‌لریدن بولگنی سبب، تانیقلی سیاستچی صفتیده مسؤولانه حرکت قیلیشی کیره‌ک.
افغانستان تینچلیگی و پاکستانده 60 میلیون انسان اوچون فرصت
اوشبو ییغینده جمهور رییس محمداشرف غنی‌نینگ طالب‌لرگه خطاب ایتیشیچه، تینچلیک لایحه‌سیگه قوشیلیش اوچون آز فرصت‌لری بار، بیراق اورغولشیچه، حکومت بیرینچی‌دن پاکستان بیلن تینچلیک قیلیش‌نی ایسته‌یدی و طالب‌لر بیلن تینچلیک قیلیش ایکینچی باسقیچ‌ده قرار تاپگن.
پاکستان‌نی غیر مستقیم شکلده آگاه‌لنتیرگن جمهور رییس غنی‌نینگ ایتیشیچه، تینچلیک تأمین‌لنگن‌ده اوشبو مملکت‌ده 40-60 میلیون انسان‌نینگ حیاتی‌گه ایجابی اوزگریش کیله‌دی. پاکستان‌گه خطاب اونینگ ایتیشیچه، عصیانچیلرنی حمایه قیلیش‌گه زمینه یره‌تمه‌ی ایجابی تنله‌شی کیره‌ک.
جمهور رییس غنی‌گه کوره، پاکستان دولتی افغانستان حکومتی بیلن تینچلیک قیلگن صورتده، افغانستان بو مملکت گه مرکزی آسیادن یول بیره‌دی و بو ایش میلیونلرچه انسان‌نینگ حیاتی‌گه اوزگریش کیلتیره‌دی.
افغانستانده 18 میلیارد متر مکعب سوو باشقریله‌دی
ییغینده جناب غنی‌نینگ ایتیشیچه، هلمند شرطنامه‌سی دنیا بوییچه قبول قیلینگن و افغانستانده 18 میلیارد متر مکعب سوونی باشقریش بوتون دنیا اوچون ایجابی پیام و بو سلبی ضدیت‌گه اوزگرمه‌سی کیره‌ک.
