.jpg)
نیچه آیدن بیری افغانستان حکومتی‌نینگ قطار خوف‌سیزلیک اداره‌لری سرپرست‌لر تاماندن اداره ایتیله‌دی. قانون‌گه موافق هیچ بیر اداره ایکّی آیدن آرتیق سرپرست‌لر تامانیدن باشقریلمدی؛ اما جمهور رییس‌لیک سرایی مذکور وزیرلیک‌لر سرپرست‌لر آرقه‌لی باشقریلیشی‌نی امنیتی بوشلیق دیب معلوم قیله‌دی.
جمهور رییس‌غنی ملی مجلس‌نینگ تعطیلات کونلری‌ده تقنینی بیر فرمان صادر قیلیب و اوشبو فرمانده امنیتی اداره‌لر سرپرست‌لر تامانیدن باشقریلیشی‌نی استثنا ایتگن ایدی. مذکور فرمان ملی مجلس باشلگن‌دن سونگ نماینده‌لرنینگ کوپچیلیک آوازی بیلن در ایتیلگنی‌گه قره‌می، لیکن اونی سنا مجلسی تصدیق‌له‌گن.
جمهور رییس غنی‌نینگ سوزلاووچی‌سی سید ظفر هاشمی‌نینگ سلام‌وطندارگه ایتیشیشچه، افغانستان جمهور رییسی مملکت امنیتی وضعیتی و عمومی مصلحت‌لردن سونگ بعضی وزیرلیک‌لر سرپرست‌لر تامانیدن باشقریلیشی اوچون فرمان چیقاردی.
شونینگ‌دیک ایریم سیاسی تحلیل‌چی‌لر جمهور رییس غنی‌نینگ مذکور فرمانی‌نی قانون‌گه قرشی دیگن‌لر. اولرگه کوره، مذکور قانون ملی مجلس اعضالری تامانیدن تصدیق‌لگن حالده، امنیتی اداره‌لر سرپرست‌لری‌نینگ صلاحیتی چیکله‌نیب قاله‌دی.
.jpg)
سیاسی تحلیل‌چی‌لردن کبیر رنجبرنینگ بو توغریده ایتیشیچه، اداره‌لرنینگ رهبرلیک قیلیش اوچون سرپرست‌لرنینگ آچیق قولی بولیم و اولر اوچون اساسی امکانیت یره‌تیلمیدی.
ایش‌بیلرمان‌لردن باشقه بیری اجمل هودمن‌نینگ سوزلریگه قره‌گن‌ده، سرپرست‌لر ایشی‌نی کوپ دوام تارتیشی اهالی آلدیده حکومت‌نینگ ایشانچی قولدن بیریلیشی‌گه سبب بوله‌دی.
مذکور ایش‌بیلرمان‌لر، سرپرست‌لر ایش مصونیتی همده روحی لحاظ‌دن خواطرده بوله‌دیلر و کیله‌جک‌لریده ایشانچ بولمس‌دن اوز ایش‌لریگه دوام ایتیره‌دی، وزیرلیک ایش‌لری اوچون بو ایسه سلبی تاثیر قالدیره‌دی.
مملکت‌نینگ ییریک حربی وزیرلیگی بولیمش مدافعه وزیرلیگی نیچه آلدین بیری معصوم استانکزی سرپرست‌لیگی‌ده باشقریلیب کیله‌دی و هلی ایسه مملکت ملی امنیت عمومی رییسی رحمت‌الله نبیل ایش‌دن آلینیشی بیلن افغانستان‌نینگ ییریک استخباراتی اداره‌سی بولمیش ملی خوف‌سیز باشقرمه‌سی ملی امنیت اداره‌سی‌نینگ سابق اورین باسری مسعود اندرابی تامانیدن اداره ایتیله‌دی.
