بوگون «چهارشنبه» تینچلیک و یاشلر نامی‌ده یولگه قوییلگن ییغینده جمهور رئیس غنی‌نینگ ایتیشیچه، تینچلیک سوزلشوولری یاپیق ایشیک‌لرنی آرقه‌سیده آزچیلیک بیر تشکیلات آرقه‌لی نتیجه بیرمه‌یدی.
بویوک‌لر جرگه‌سی خیمه‌سیده یولگه قوییلگن ییغینده جناب غنی‌نینگ کوپه‌یتیریشیچه، اوروش کلیدی اسلام‌آباد، کویته و راولپندی ده دیر؛ بو بیانات افغانستان تینچلیک لایحه‌سی بوییچه آمریکا قوشمه ایالت‌لرینی خاص نماینده‌سی زلمی خلیلزادنینگ صحبت‌لریگه قرشی بولگن. سونگی مرته افغانستان میدیالریدن بیرقطاری‌نینگ مسؤوللری بیلن صحبت اوتکزگن زلمی خلیلزادنینگ ایتیشیچه، تینچلیک کلیدی افغانستان‌لیک‌لرنینگ آره‌سیده دیر.
شونینگدیک، اوشبو ییغینده جمهور رئیس محمداشرف غنی‌نینگ ایتیشیچه،: «بیزلر تیز آره‌ده اوته‌دیگن تینچلیک ایمس، بلکیم دایمی تینچلیک ایسته‌یمیز.»
غنی‌نینگ اورغولشیچه، خلق ارا اداره‌لری‌نینگ تینچلیک بولیمی‌ده تجربه‌سی یوق دیر.
جناب غنی، سیلاولر ایرکین کمیسیون‌لریده کینگ اصلاحات کیریتیلیشی و قانون گه قیته‌تیکله‌نیشی‌دن خبر بیریب ایتیشیچه، کیله‌جک سیلاوده بایومتریک آرقه‌لی آواز بیریله‌دی.
اونینگ اورغولشیچه، جمهورلیک ریاستی سیلاوی‌نینگ نتیجه‌سی تنیق شکلده ایکی کون جریانیده اعلان ایتیلیشی کیره‌ک و شونینگدیک، جمهورلیک ریاستی‌نینگ نامزدلری تینچلیک خصوصیده بولگن تکلیف‌لرینی اهالی بیلن شریک قیلیش‌لری لازم.
جناب غنی سوزلری سونگی‌ده ایتیشیچه، باشقه‌لر ایش قیلمه‌گنی باعث، او کوپ ایشله‌یدی، «مین 16 ساعت ایش قیلگنیم‌ده، دلیلی باشقه‌لر 2 ساعت هم ایش قیلمه‌گن.»
سیلاو ناقانونی‌لیگی
شونینگدیک، قطرده طالبان گروهی دفتری‌نی سابق باشلیغی شیرمحمدعباس استانکزی، سیلاو توغریسیده بیر ویدیو ترقه‌تیب ایتیشیچه، افغانستان سیلاوی شفاف اوتکزیلمه‌یدی و بو سیلاو نتیجه‌سیده وجودگه کیله‌دیگن حکومت، «طالبان گروهی‌نینگ نظریدن ناقانونی بوله‌دی.»
استانکزی گه کوره، افغانستان «استعمار» سایه‌سیده بولگنی و «ملی بیرلیک حکومتی‌نینگ ایرکین‌‌سیزلیگی» سیلاو قانونی‌لیگی‌نی سوراققه دوچ قیله‌دی.
اونینگ ایتیشیچه، «اهالی‌دن 10% اشتراک قیلمه‌گن سیلاو قنده‌ی بیر سیلاو بوله‌دی و قنده‌ی قیلیب افغانستان اهالیسی‌دن نماینده‌لیک قیله‌دی؟»
جناب استانکزی‌نینگ ایتیشیچه، طالبان گروهی تینچلیک سوزلشوولریده حکومت ایرکین‌سیز بولگنی باعث، جمهور رئیس بیلن صحبت قیلمه‌یدی. اونینگ کوپه‌یتیریشیچه، افغانستاندن آمریکا کوچلری چیقیشی خصوصیده بولگن بیانات جمهور رئیس غنی‌نینگ اوزیدن چیققن می یا-ده آمریکا تامانیدن ترغیب ایتیلگنی معلوم بولمه‌گن.»
سونگی کونلرده تینچلیک سوزلشوولری خصوصیده سعی و حرکت‌لر شدتلنگن و آخرگی پیت‌لر قطرده آمریکا قوشمه ایالت‌لری‌نینگ نماینده‌سی و طالبان گروهی آره‌سیده آلتی کونلیک ییغین اوتکزیلدی.
عین حالده، جمهورلیک ریاستی‌نینگ سیلاویده تانیقلی سیمالردن بیرقطاری، تینچلیک جریانیده حکومت رهبرلیک قیلینیشی‌نی ایسته‌یدیلر. جمهورلیک ریاستی سیلاوی‌نی نامزدی محمدحنیف اتمرنینگ، اوز توییتر صحیفه‌سیده تینچلیک سوزلشوولریده حکومت رولی توغریسیده یازیشیچه، «حکومت تنگ‌نظرلیک و قیین‌چیلیک‌لردن اوتیب، ملت‌نی ملی بیر توپلم‌ده بیرلشتیریب و تینچلیک اوچون قدرت‌نی قربان قیلیش‌گه تیارگرلیک آلگن صورتده، تینچلیک سوزلشوولریده رول اوینه آله‌دی.»
جمهورلیک ریاستی سیلاوی‌نینگ نامزدی محمدحنیف اتمر: «بو حکومت تینچلیک‌نی رهبرلیک قیله‌آلمه‌یدی.»
