بوگون «شنبه» جمهور رئیسی محمداشرف غنی، دولتی بیر هیأت همراهلیگی‌ده سونگی یاغینگرچیلیک‌لر و سوو تاشقین‌لریدن زیان کورگنلرگه یاردم ترقه‌تیش جریانینی تیکشیریش نیتی بیلن فراه ولایتی گه سفر قیلگن.
اوشبو سفرده جمهور رئیس غنی، مذکور ولایت نینگ اهالیسی بیلن اوچره‌شیب و تورلی موضوعلر خصوصیده اولر بیلن صحبت قیلگن.
جناب غنی، فراه محلی رسمی‌لری بیلن اوچره‌شگن چاغیده اورغولشیچه، فراه ولایتی‌نینگ بخش‌آباد سوو توغانینی قوریش‌دن قول تارتمه‌یدی.
فراه حاکمی‌نی اورین باسری موسی نظری نینگ سلام‌وطندارگه ایتیشیچه، جمهور رئیس اوشبو ولایت بخش‌آباد توغانینی ایش ریجه‌سی و دیزاینی‌نی یکونلنگنی‌دن اطمینان بیرگن و کیله‌جک بیر هفته جریانیده ملی تدارکات کمیسیونی‌گه تاپشیریلیشی‌دن خبر بیرگن.
شوتوغریده…
- سوو تاشقین‌لری مملکت اهالیسی گه کوپلب مالی و جانی زیان ییتکیزگن
فاریاب ده سوو تاشقین‌لری نتیجهسیده اونلرچه اوی بوزیلگن
جمهور رئیس نینگ بو ولایت مدنی فعاللری بیلن اوچره‌شوویده ایتیشیچه، فراه، نیمروز و هرات ولایت‌لری‌نینگ شمالیدن برق تولید قیلیش اوچون بیر خصوصی شرکت بیلن صحبت قیلگن.
بو سفرده اونینگ فراه یشاوچی‌لریگه وعده بیریب ایتیشیچه، فراه ولایتی‌نینگ برقی ترکمنستان وارداتی برقی آرقه‌لی تامین ایتیله‌دی.
ایکینچیلیک کانال‌لر ایجاد ایتیلیشی، ایکینچی‌لر محصولاتی‌گه بازار تاپیش و صادرات نینگ کوپه‌یتیریشی جمهور رییس غنی‌نینگ فراه یشاوچی‌لریگه بیرگن باشقه وعده‌لریدن دیر.
نیچه کون آلدین سوو تاشقین‌لر فراه ولایتی یشاوچی‌لریده مالی و جانی زیان ییتکیزگن بیر چاغده جمهور رئیس غنی اوشبو ولایت‌ده سفر قیله‌دی.
