سونگی کون‌لرده جمهور رئیس غنی تقنینی فرمانلر آرقه‌لی، تینچلیک بوییچه دولت وزیرلیگی و انسان حقلری و خلق ارا رابطه‌لر بوییچه دولت وزیرلیگی‌نی ایجاد قیلگن.
جمهور رئیس نینگ بو حرکتی نماینده‌لر کینگشی اعضالری نینگ قرشی‌لیگی بیلن روپه‌ره بولگن. اولرنینگ ایتیشیچه، جمهور رئیس قانونگه قرشی حرکت قیله‌دی.
نماینده‌لر کینگشی اعضالریگه کوره، دولتی اداره‌لرنینگ ایجاد و لغو ایتیلیشی خصوصیده جمهور رئیس فرمانی‌نی قانونگه قرشی دیر و اوشبو ایش نماینده‌لر کینگش صلاحیتیدن دیر.
نماینده‌لر کینگشی باشقه بیرقطار اعضالری نینگ ایتیشیچه، جمهور رئیس غنی ینگی اداری واحدلر ایجاد قیلیشی بیلن اساسی قانونی‌نی ایاق آستیگه قیلیب و نماینده کینگشی‌نی انجام بیریلگن ایش بیلن روپه‌ره قیلگن.
نماینده‌لر کینگشی اعضالری، حکومت‌دن دولت اساسی تشکیلات قانونی‌نی نماینده‌لر کینگشی‌گه یوباریشی‌نی سوره‌گنلر.
بیراق، جمهورلیک ریاستی سوزلاوچیسی صدیق صدیقی نینگ سلام‌وطندارگه ایتیشیچه، جمهور رئیس نینگ تقنینی فرمانلری مملکت قانونی‌گه قرشی ایمس و تینچلیک بوییچه دولت وزیرلیگی تینچلیک مصلحتی لویه جرگه نینگ ایسته‌گی سبب ایجاد ایتیلگن.
عین‌حالده، سیاسی و حقوقی ایش بیلرمانلرگه کوره، جمهور رئیس تامانیدن ینگی اداری واحدلر ایجاد ایتیلیشی، دولت ادارهلریده ایش نینگ یخشی شکلده ایلگری کیتمه‌یشی‌گه سبب بولگن.
