جمهور رئیس محمداشرف غنی نینگ ایتیشیچه، دوحه‌ده آمریکا و طالبان آره‌سیده تینچلیک کیلیشوونامه امضا ایتیلگنیدن حاضرگه‌قدر افغانستان امنیتی و دفاغی کوچلریدن 10708 ته‌سی هلاک و یره‌لنگن.
بوگون "سه‌شنبه" جمهور رئیس غنی نینگ کابلده افغانستان یوقاری مرتبه‌لی هیاتی یا-ده «سام» ییغینیده ایتیشیچه، افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد و طالبان گروهی نینگ سیاسی اورین باسری ملا غبدالغنی برادر آره‌سیده تینچلیک شرطنامه امضا ایتیلگنیدن حاضرگه‌قدر افغانستان حربی‌لریدن 3560 ته‌سی هلاک و باشقه 6781 ته‌سی یره‌لنگن دیر.
جمهور رئیسگه کوره، بو مدت‌ده مملکت حربی‌لریدن 367 ته‌سی اوغیرلنیب و یا-ده محبوس بولگنلر.
جناب غنی نینگ اوشبو ییغینده حربی‌لرنینگ تلفاتی گه اشاره قیلیب ایتیشیچه، بو مدت‌ده تینچ اهالی تلفاتی هم کوپه‌یگن.
اونینگ کوپه‌یتیریشیچه، 2020- ییلده تینچلیک تامین‌لنیشی خصوصیده امیدوارلیکلر کوپه‌گن ایدی، بیراق طالبان گروهی اوروش‌گه دوام بیردی.
جناب غنی نینگ تاکید قیلیشیچه، حکومت طالبان 5 مینگ محبوسی‌نی قوییب یوباره‌دی و طالبان گروهی نینگ کیلهجک بیر هفته جریانیده افغانستانلیکلر ارا سوزلشوولرگه حاضر بولیشی کیره‌ک.
آمریکا و طالبان آره‌سیده بولگن تینچلیک شرطنامه 5 آی آلدین قطر باشکنتی دوحه شهریده امضا ایتیلگن ایدی.
