مملکت جمهور باشلیغی و جمهورلیک ریاستی نامزدی محمداشرف غنی نینگ جمهورلیک ریاستی سیلاو کمپاینی نینگ بیرینچی کونیده ایتیشیچه، ملی بیرلیک حکومتی اوتگن 5 ییل جریانیده زوره‌وانلیک و ظلم‌نی کمه‌یتیرگن و افغانستان امنیتی کوچلری نینگ نابود ایتیلیشی خصوصیده بولگن صبحت‌لرنی ناتوغری ثابت قیلگن.
جناب غنی نینگ ایتیشیچه، اوتگن 5 ییل جریانیده سیاستچی‌لر چونتک‌لریگه کیره‌دیگن دالرلر توخته‌تیلدی و ایلچی‌خانه‌لرده رهبرلرنینگ اوغلی‌لرینی استخدام ایتیلیشی‌گه توسیق ایتیلگن.
جناب غنی نینگ کوپه‌یتیریشیچه، سیلاو خصوصیده معامله ایتیلمه‌یدی و اهالی سرنوشتی بیلن معامله قیلیش اوچون هیچ‌کیم نینگ حقی یوق دیر. جمهور رییس نینگ تاکید قیلیشیچه، تینچلیک سوزلشوولرنی جدی و اصولی شکلده باشله‌نیشی کیره‌ک.
بیراق، ملی بیرلیک حکومتی نینگ اجرایی باشلیغی و جمهورلیک ریاستی سیلاوی نینگ نامزدلریدن باشقه بیری عبدالله عبدالله نینگ ایتیشیچه، اداری فساد ملی بیرلیک‌که زیان ییتیشتیرگن.
جناب عبدالله نینگ ایتیشیچه، اخلاقی فسادگه قولی بولگن‌لر اونینگ طرفداری ایمس دیر.
عبدالله عبدالله نینگ تینچلیک سوزلشوولریگه اشاره قیلیب ایتیشیچه، تینچلیک افغانستان یشاوچی‌لری نینگ دایمی آرزولریدن دیر؛ بیراق تینچلیک‌نی بوتون تامانلر قبول قیلیب و افغانستان اهالیسی نینگ عزتی سقله‌نیشی کیره‌ک.
ایتیلیشیچه، جمهورلیک ریاستی نینگ سیلاو کمپاینی 60 کون دوام قیله‌دی.
