سلاموطندار رحمتالله نبیل بیلن خاص صحبت اوتکزگن. اوشبو صحبتده تینچلیک، سیلاو و سیاست خصوصیده بحث ایتیلگن، جناب نبیل بو صحبتده کوپینچه قضیهلرنی فاش قیلگن.
سلاموطندار: صحبتگه حاضر بولگنینگیز اوچون منتدارلیک بیلدیرهمیز.
نبیل: تشریف کیلتیرگنلرینگیز اوچون رحمت، خوش کیلیبسیزلر.
سلاموطندار: صحبتنی سیلاودن باشلهیمیز؛ 6- میزانده یولگه قوییلگن سیلاو خصوصیده فکرینگیز نیمه دیر؟
نبیل: اوتگن 40 ییل جریانیده افغانستان فرقلی سیستملرنی سینهگن. مذکور سیستملر ایجابی نتیجه بیرمهدی و کوپینچه سعی و حرکت و قربانلیکلردن سونگ، افغانستان یشاوچیلری دموکراسی و مردمسالارلیککه قول تاپگنلر؛ بیراق بو دموکراسی نینگ مدیریتی جدی قیینچیلیک بیلن روپهره بولدی. سیلاو دموکراسی اصوللریدن بیری دیر اهالی نینگ آوازلری نتیجهسیگه صورت تاپهدی، بیراق 2014- ییلده جدی قیینچیلیک بیلن روپهره بولگن ایدی و 2018- ییل نمایندهلر کینگشی سیلاوی هم قیینچیلیکلر بیلن دوچ کیلدی. 6 میزانده یولگه قوییلگن سیلاو مردمسالارلیک اوچون جدی سیناو ایدی؛ بیراق کوپ قطار قیینچیلیکلر بیلن روپهره بولدی. بیرینچیسی اهالی نینگ کینگ شکلده اشتراک قیلمهگنی خصوصیده قطار دلیل بار. جملهدن اهالی نینگ ملی بیرلیک حکومتی رهبرلریدن رضایتی بولمهگنی، سیلاو لایحهسیگه ایشانچ یوقلیگی و سیلاو ایرکین کمیسیونی نینگ عمللری دیر. ایتیش کیرهککه سیلاو لایحهسیده کینگ شکلده ساختهکارلیک صورت تاپگن و قضاوتنی سیلاو لایحهسی نینگ یکونلهنیشیگه قویهمیز؛ حاضرگچه سیلاو کمیسیونی تامانیدن ایجابی حرکتلر صورت تاپگن و باشقه حرکتلرنی کوتیشییمز کیرهک.
سلاموطندار: کینگ شکلده ساختهکارلیک ایتیلگنی خصوصیده اشاره قیلدیز، بو ساختهکارلیکلر کیملر تامانیدن سازمان بیریلگن؟
نبیل: 6 میزانده یولگه قوییلگن سیلاوده منظم شکلده ساختهکارلیک قیلیندی. بیرقطار کیشیلر ولایتلردن کابلگه چقیریلدی؛ مثال صفتده، میدانوردکده ساختهکارلیک قیلیش اوچون بیرقطار کیشیلرگه پول بیریلدی، بو ساختهکارلیککه توسیق ایتیلدی؛ بیراق بو مقصد کوپینچه پول توزیع قیلیندی. قندهارده امنیتی مسووللردن بیری صندوقلرنی بیللی بیر تیم منفعتیگه تولدیریش اوچون وظیفهلنتیریلگن ایدی. اوشبو امنیتی مسوول بیز بیلن تماس آلدی بیزلر تاماندن امتیاز بیریلگن صورتده، بیزیم منفعتی میزگه صندوقلرنی تولدیریشنی ایستهدی؛ بیز قبول قیلمهدیک و بوموضوعی سیلاو شکایتلرینی تینگلش کمیسیونی بیلن شریک قیلدیک. ننگرهارنینگ بیرقطار تومنلریده هم شوندهی ساختهکارلیکلر اوچون زمینه یرهتیلدی. کیشیلر کینگ شکلده ساختهکارلیک قیلدیلر و بو توغریده بولگن حجتلرنی سیلاو شکایتلرینی تینگلش کمیسیونیگه تاپشیردیک؛ مثال صفتده، حاکم توشدن سونگ، آواز بیریش کاغذلرنی ایکی تیم نظارتچیلریگه تاپشیرهدی و اولردن تیملری منفعتیگه صندوقلرنی تولدیریشینی ایستهگن. بوندهی ساختهکارلیکلر خصوصیده بولگن حجتلرنی کمیسیونگه تاپشیردیک. 500 یا-ده 600 مینگ آواز باطل اعلان ایتیلگنی کینگ شکلده ساختهکارلیک صورت تاپگنینی اثباتلیدی. سیلاو تیملریدن بیری کوپینچه پول هزینه قیلگن، بیزگه کیلگن معلوماتلرگه کوره، 170 یا-ده 175 میلیون دالر هزینه قیلگن.
سلاموطندار: بو پولنی کیملر تقسیم قیلگن و بو ساختهکارلیکلرگه قول اورگنلر کیملر دیر؟
نبیل: حاضر بو توغریده صحبت قیلمیمیز. حاضرده سیلاو شکایتلرینی تینگلش کمیسیونی بو موضوعی تیکشیرهدی. ساختهکارلیک قیلگن کیشیلرنینگ ناملری ولایتلرده اهالیدن سورهلگن صورتده، بیللی ایتیلهدی.
سلاموطندار: سیلاوده کینگ شکلده ساختهکارلیک قیلگن تیم، قیسی تیم دیر؟
نبیل: مثال صفتده، محمداشرف غنی سیلاو تیمی. بیزلرگه کیلگن معلوماتلرگه کوره، بو تیم سیلاو اوچون 175 میلیون دالر هزینه قیلگن. بو رقم پول قومندانلر، ییغین یولگه قویهدیگنلر و صندوقلرنی تولدیرگن کیشیلرگه بیریلگن. بیرقطار کیشیلرگه یوقاری مرتبهلی موقفلر تضمین ایتیلگن و باشقه تیملر هم ساختهکارلیک قیلگن.
سلاموطندار: اوشبو 175 میلیون دالر قیردن کیلدی؟
نبیل: تورلی یوللر و بیتالمال پولیدن هزینه ایتیلدی، کوپ رقمی 91 کُد و غضنفر بانک دن هزینه ایتیلگن. بیزگه کیلگن معلوماتلرگه کوره، بو بانکدن کوپینچه پول چیقاریلگن و سونگی پیتلرده کانلر وزیرلیگی غضنفر بانکگه تیگیشلی بولگن نفت تازهلاوچی ایشخانهنی ساتیب آلیش اوچون بیرهیات تعیین قیلگن و بو ایشخانهنی یوقاری پولگه ساتیب آلیش بیلن غضنفر بانک پولینی جبران قیلیش اوچون سعی و حرکت قیلهدی.
شونینگدیک، حاجی رسا موضوعی. حاجی رسا ایچکی ایشلر وزیرلیگی نینگ آذیق- آوقاتیگه قول اوریش و اختلاس قیلیش سبب قولگه آلینگن ایدی، بیراق قضیه باش قارهلاوچیلیککه یوباریلدی و جناب رسا ضمانت نتیجهسیده، قوییب یوباریلدی. بو ضمانتگه قرشی کوپینچه پول بیرگن.
غضنفربانک قیینچلیگی و حاجی رسانینگ قوییب یوباریلیشی
سلاموطندار: معلوماتلرگه کوره، عضنفر بانک شکست بیلن دوچ کیلگن، توغری می؟
نبیل: بو معلومات بیزگه هم ییتیشگن. بو بانکدن کوپ قطار نقده پول آلینگن. سیلاو کمپاینی یخشی شکلده ایلگری کیتیشی اوچون بو بانک قراردادیلری توختهتیلگن. اوشبو پول یالغیز کمپاین ییغینلریده هزینه ایتیلگن.
سلاموطندار: ولایتلردن بیری نینگ حاکمینی بیللی تیم منفعتیگه کمپاین قیلگنیگه اشاره قیلدیز؛ امنیتی نهادلرنینگ برخوردلری قندی ایدی؟
نبیل: پکتیا، قندهار و هلمند حاکملری کمپاینگه اساسی اورنی اوینهگن. بیراق امنیتی سکتورلر خصوصیده، هیچبیر نرسه دیمیمن. بغلانده بیرقطار قیینچیلیکلر بار ایدی، فاریاب هم شوندهی ایدی؛ امنیتی نهادلر تامانیدن بیللی سیاست اعمال بولمهگن، بیراق بیرقطار کیشیلر ایری شکلده سیلاو تیملری تامانیدن هدایت آلگنلر.
سلاموطندار: بوندهی بولسه امنیتی سکتورلر کینگ شکلده ساختهکارلیک قیلمهگن؟
نبیل: امنیتی سکتورلر کینگ شکلده ساختهکارلیک قیلمهگن، بیراق بیرقطار ساختهکارلیکلردن کوز یومگن.
سلاموطندار: 2014- ییلده نیمه اوچون ساختهکارلیک دن کوز یوم دیز؟
نبیل: بیز او پیتده کشفی بیر ارگان صفتیده جمهور رییس، ملی خوفسیزلیک کینگشی و جمهورلیک ریاستی نامزدلریگه معلومات بیردیک، بیراق ساختهکارلیکنی فاش قیلیش اوچون وضعیت مناسب ایمس ایدی.
سلاموطندار: ییقینلیک و برقرارلیک سیلاو تیمی هم حکومتگه شامل دیر، اوشبو تیمنی سازمان بیریلگن ساختهکارلیکلرگه اورنی بار می؟ مقصدگه قول تاپیش اوچون قنچه پول هزینه قیلگن؟
نبیل: بیزگه کیلگن معلوماتگه کوره، عبدالله عبدالله تیمی نینگ هزینهسی محمداشرف غنی تیمیگه قرهگنده کم دیر. بیراق وضعیت نینگ یمانلیگی و ساختهکارلیکلرگه بو تیمنی هم اورنی بار ایدی.
سلاموطندار: عبدالله عبدالله تیمی جناب غنی نینگ تیمی گه قرهگنده کمراق تقلب قیلگن می؟
نبیل: بیزلرنینگ معلوماتیمیز شوندهی بیر نرسهنی کورستهدی.
سلاموطندار: سیلاودن آلدین بیر سوزلشووگه سیلاو ایکینچی دور گه کیتگن حالده، سیز هم بو دورده بولیشینگیزنی ایتگن ایدیز؟
نبیل: بیزلر ایتدیک کیم کینگ تقلب یوزبیرگن و بیزلرنینگ معلوماتیمیز اساسیده، سیلاو ایکینچی دور گه کیتهدی. بیزلرنینگ تیمیمیزگه قوراللی بیر کیشی یوق ایدی و توغری کمپاین هم قیله آلمهدیک. کمپاین نینگ سونگی کونلریده حکومت قیصاری گه قرشی هیچ بیر حجت قولگه کیلتیره آلمهگنی باعث قارهلاوچیلیک اونینگ نفعی گه قرار آلدی و او بیزلرنینگ تیمیمیز گه قتنشدی.
سلاموطندار: سیزگه بیللی دیر کیم سیلاو قیین بیر پروسه دیر و اوچ باسقیچی بار؛ سیلاودن آلدین، سیلاو کونی و سیلاودن کیین. سیلاو ایکینچی دور گه کیتهدی می و کمیسیون بو باسقیچدن یخشی شکلده اوتهدی می یا-ده سیلاو پروسهسی فاجعه گه دوچ کیلهدی می؟
نبیل: سیلاوی تیملردن قطاری بو پروسه بحران گه کیتیشی اوچون حرکت قیلدی و بولر اوزلرینی سیلاو غالبیدیب و بایومتریک قیلینمهگن آوازلر سیستم گه کیریشی اوچون حرکت قیلدی و بو مقصد گه اِیریشش اوچون هرقندهی وسیلهدن قوللنهدی. عین حالده، کمیسیون بو حرکتلرگه قرشی کیلگن. بیزلر اوچون پاک و ناپاک آوازلر بیللی بولیشی اونملی دیر و بو آوازلر توغری شکلده اَیریلگن صورتده، سیلاو ایکینچی دور گه کیتیشی ممکن. بیراق قچان یولگه قوییلیشی سیلاو کمیسیونی گه تیگیشلی دیر کیم قیینچیلیکلر و باسیملرگه قنچهلیک تسلیم بولهدیلر.
سلاموطندار: احتمالی شکلده قیسی تیملر ایکینچی دورگه کیتیشی ممکن؟
نبیل: طبیعی دیر کیم حکومتده نقشی بار تیملر.
سلاموطندار: ایریم معلوماتلر اساسیده، هکرلر سیلاوی معلومات مرکزی گه هجوم قیلگن؛ بو هجوم کیم آرقلی عمل گه آشیریلگن؟
نبیل: کمیسیون باشلیغی گه کوره، سیستم 60 مرته هجوم گه دوچ کیلگن و هک اوچون قیلینگن حرکتلر جرم دیر. بولرنینگ غالب چیققن و چیقه آلمهگنی اَیری گپ دیر و سیستم اوستیگه بولگن هجوملر توغریسیده معلومات بار کیشیلر بیلهدیلر کیم بو هجوملرگه کیملرنینگ قولی بار.
تینچلیک و بقاسی اوچون هر بیر ایش گه قول اورهدیگن بیر تیم
سلاموطندار: تینچلیک حرکتلری گه توغری بیر سیاست گه شاهد ایمسمیز. آمریکا بعضن بو پروسهدن حمایت بیلدیرهدی و بعضن هم تورلی یوللر آرقلی بو پروسه باشلهنیشی اوچون حرکت قیلهدی؛ بوتوغریده خواطرگه سیزمی؟
نبیل: بیزلر تینچلیک پروسهسیدن حمایت قیلهدیگن کیشیلردن بیریمیز، بیراق اونینگ طریقهسیگه قرشیمیز. نیگه که بو پروسهده افغانستان چیککه گه قالگن. قیغو بیلن تینچلیک و سیلاو بیر زمان گه آلغه بارگنی کوپینچه قیینچلیکلرنی چیقاردی؛ تینچلیک نی سیاسی بیر کیلیشووگه احتیاجی بار، بیراق سیلاو بو کیلیشوونی پارچهلهیدی. سیلاو اوچون کیلیشوو کوپ قیین دیر و حاضرگچه افغانستان سیاستچیلری توغری شکلده پیشمهگن و حاضرگچه هم قطار مملکتلرگه باغلهنیب و اولر آرقلی حمایت بولهدیلر. جمهوررئیس قدرت گه قالیشی اوچون حرکت قیلهدی و شونینگدیک قطار سیاستچیلر شخصی یوتوقلرینی سقلهش اوستیگه اورغولهیدیلر. اهالی هم بو پروسهدن بی خبر قالیب و حاضرگچه مذکور پروسهنینگ تفصیلاتی توغریسیده خبرسیز دیر؛ بو نرسهلر اهالی و حکومت نینگ کوچسیز بیر موقف گه قرار بیرهدی. عین حالده، بو پروسه اوچون پاکستان نینگ قولی کوپ یوقاری ایدی. آمریکا، طالبان و پاکستان نینگ بو پروسه اوچون برنامهلری بار ایدی و شونینگدیک منطقهدهگی مملکتلر اوز فایدهلری اوچون فعالیت قیلهدی ایدی و حاضر هم قیلهدیلر. بیزلر یخشی موقفیمیز و کیین ایسه ملی سیاسی بیر کیلیشوو اوچون امید بیلدیرهمیز.
حقانی ترماغی و ترور ریجهسی
سلاموطندار: سیز سیلاوده و اوندن آلدین معلوماتنی فاش قیلیش باعث، جنجللی سیما ایدینگیز؛ حاضرگهقدر تهدیدگه دوچ کیلگنسیز می؟
نبیل: نهفقط سیلاو، بلکیم بوندن آلدین هم تهدیدلرگه دوچ کیلگن میز؛ بیر مرته ترورگه قصد قیلگن کیشی قولگه آلیندی و قضیه حاضرهم تیکشیریلهدی. مین کوپلب پاکستان و حقانی ترماغی تامانیدن تهدید بولگن من.
سلاموطندار: سیلاو و تینچلیک قیینچیلیکلری و قضیهلریگه قرهگنده، سیز نیمهدن قورقهسیز؟
نبیل: سیلاودن کیین کیلهدیگن واقعهلر و بو جریان بحرانی یخشی بیر شکلده مدیریت قیلینمهگن صورتده؛ افغانستان جدی خطرگه دوچ کیلیشی ممکن و بو خطر طالبان کوچلنیشی و افغانستان حکومتی کوچسیزلنیشی گه سبب بولهدی.
سلاموطندار: تینچلیک سوزلشوولری قیتهدن باشلهنیشی خصوصیده گزارشلر موجود. سیز قول قوییلیشی گه قرار قیلینگن کیلیشوو متنی توغریسیده راضی ایمس ایدینگیز. حاضر طالبان نینگ ایتیشیچه، اولر اوشه کیلیشوونامهنی امضاءلش و انس حقانی قوییب یوباریلیشی کبی امتیازلر آلیشی اوچون باشلهیدی؛ سیز بو توغریده نیمه دیسیز؟
نبیل: افغانستان گه بو سوزلشوولرنی اصلی تامانلریدن بیری صفتیده هر کون قربانلیک بیرهدی، ایشانیلمهیدی و شونینگدیک، کیلیشوونامه متنی رهبرلر بیلن شریک قیلینمهیدی، بیراق طالبان و پاکستان بو کیلیشوونامهنی اوستیگه ایشلهیدی و اونینگ متنی گه اصلاحات کیریتهدی. مسئلهلردن باشقه بیری حقانی ترماغی نینگ کیلهجگی ایدی و بو هیچ قچان بحث گه آلینمهگن. جناب خلیلزادنینگ اعتراف قیلیشیچه، طالبان گروهی تینچلیکدن سونگ، داعش گروهی گه قرشی اوروشهدی.
بیزنینگ خواطریمیز بو دیر کیم، تینچلیک کیلیشوونامهسیده اوچ جغرافیه، اوچ جریان و اوچ فرقلی قانون رسمیت گه تانیلهدی؛ طالبان گروهی اوز بیرقی و اوز جغرافیهسی، داعش گروهی اوز بیرقی و اوز جغرافیهسی و حکومت هم شو بیرقی و شو جغرافیهسی بیلن بولهدی. ترورچیلر پاکستاندهگی باشپناهلریدن فایدهلنمهسی توغریسیده هیچ بحث قیلینمهگن.
بیز حاضر ترورچیلیککه قربان بولهمیز و ترورچی صادر قیلیووچی صفتیده تانیلگن میز. کیلیشوونامه متنی ده جمهوریت توزومی گه هیچ اشاره قیلینمهگن و بو جنجللی بحث نی افغانستانلیکلر ارا سوزلشوولرده قوییشگن و عین حالده، یخشی بیلهدیلر کیم، افغانستان حکومتی و سیاستچیلری آرهسیده ملی کیلیشوو یوق دیر. بو خواطرلر باشلهنیشدن موجود ایدی و حاضر هم موجود دیر. طالبان گروهی و آمریکا کیلیشگن صورتده، یالغیز انس حقانی نینگ قوییب یوباریلیشی مطرح قیلینمهیدی، بلکیم طالبان گروهی نینگ 5 مینگ محبوسی نی رویخطی قوییب یوباریلیشی اوچون آمریکاگه تاپشیریلهدی. شو یوزهدن طالبان نینگ کوپینچه جنگریلری قوییب یوباریلهدی و بو موضوع هم خواطرلی دیر؛ چونکه بیر تامانلمه بولگن و بو معاملهده افغانستان نیمه قولگه کیریتیشی معلوم ایمس دیر.
سیلاو یولگه قوییلیش چاغیده ایتدیک کیم، بو جریان جمهوریت توزومی نینگ بیر بولیمی دیر و بو جریان آرتده قالدیریلگن صورتده، نیمه قولگه کیریتهمیز، آتیشکیسین بولهدیمی یا-ده یوق؛ بو سوراقلرگه کیمسه جواب بیرمهگن.
سلاموطندار: طالبان گروهی نینگ محبوسلرینی رویخطی آمریکاگه تاپشیریلگن صورتده، افغانستان حکومتی قبول قیلهدیمی؟
نبیل: محبوسلر قوییب یوباریلیشی کیلهجک حکومت گه تیگیشلی بولهدی، بو حکومت سیاسی مصلحتدن تشکیل ایتیلهدیمی یا-ده شفاف بیر سیلاودن. او زمانده حکومت قرار آلهدی. بو تیملردن بیرینی مینینگ تانیشیمچه، بو تیم قدرت ده قالیشی اوچون اساسی بیر ضمانت بولگن صورتده، هر بیر معامله گه بویین اینگیب و قدرت ده قالیشی اوچون هر بیر ایش گه قول اورهدی.
سلاموطندار: طالبان گروهی سوزلشوولر باشلهنیشی و شونینگدیک، قورال آلگن زمانیدن بویان بیر آز هم اوز موقفی دن آرقه گه چیکیلمهگن و بونگه قرهگنده، حاضرگی توزوم بیکار قیلینیب و باشقه توزوم تشکیل ایتیلیشی طلب قیلینهدی؛ طالبان نینگ قانیقتیریش ظرفیتی قنچه بولگن و بو فکر مقابلی ده ملی کیلیشوو تشکیل ایتیلیشی نینگ امکانی بارمی؟
نبیل: بیز و آمریکاییلیکلرنینگ آچیق سیاستی یوق ایدی، ایگری شکلده ایلگری کیتدیک و آچیق چیزیغیمیز هم یوق ایدی. حامد کرزی هم بیر زمان بیر طالب نی قوییب یویاریب و اولردن تینچلیککه قوشیلیشلرینی طلب قیلردی، لیکن کیمسه ایلگری کیلمس ایدی. حاضرهم 900 طالب نی قوییب یوبارهمیز دییدیلر و ایرتهسی ایسه بیر و ایکی مینگ طالب نی اولدیردیک دییشهدی؛ بونینگ اوزی طالبان گه یوتوقلیک روحیهسی بیرهدی. سیاست میز آچیق بولگن صورتده، طالبان گروهی بونچهلیک کوچلی بولمس ایدی. قالگن موضوع ایسه بو دیر کیم، بیزلرنینگ اهالی نی تنیق آوازیدن تشکیل ایتیلگن حکومت میز بارمی؟ افغانستان اهالیسی نی تینچلیک سوزلشوولریده سهیم قیلهدیگن و سیاسی بیر کیلیشوو تشکیل بیرهدیگن حکومت بارمی؟ اونملی بولگنی شو دیر کیم، طالبان گروهی بیلن قوشمه نقطهمیز بارمی یا-ده یوق؟ حاضر هیچ بیر نقطه کورینمهیدی. اولر امارت ایستهیدی، بیزلر ایسه جمهوریت ایستهیمیز. اولر بیزلرنی کافر بیلهدی و امنیتی کوچلرنینگ اولدیریشی نی جایز دییدیلر. شو یوزهدن جریان جوده هم چیگل بولگن. بیزلر بحث نی تاکتیکدن استراتیژی گه اوتکزیشیمیز کیرهک. بیزلرنینگ اساسی قیینچیلیگیمیز هیچ قچان بیر میکانسیم اوستیگه نتیجه گه ایریشمهگنیمیزده دیر و بو میکانسیملر هردایم کیریتیلگن دیر؛ شو یوزهدن قیشلاق هردایم شهردن اوزاق بولگن. بو حالت ده طالبان بیلن کیلیشگنیمیزده قیشلاق و شهر آرهسیدهگی آلیسلیک قیینچیلیک یرهتهدی. بیزلر افغانستان نینگ ثباتلی ستونلرینی تاپیب و اوستیگه سرمایه یاتقیزسک مملکت یشاوچیلریدن هر بیری افغانستان گه نسبتن مالکیت حس قیلیشهدی.
سلاموطندار: بوندن آلدین تینچلیک سوزلشوولری جریانیده بولهدی و بولمسلیککه اشاره قیلیندی، بو جریان یخشیلنیشی توغریسیده سیزنینگ فکرینگیز نیمهدیر؟
نبیل: سیاسی کیلیشوو اوستیگه کوپراق تأکیدلنیب و حکومت کوچلنتیریلیشی کیرهک. طالبان گروهی ایچکی کیلیشوونی قولگه کیریتگن. سیاستچیلر بیلن علاقهده دیر و هر بیری بیلن اوچرهشهدی؛ کرزی دن باشلب عطامحمد نور و یونس قانونی گهقدر. طالبان گروهی بیلن علاقه باغلش بیر بیلشووگه اوزگرگن و حکومت تیزلیککه طالباندن ابزارلرنی آلیشی کیرهک.
غنی و عبدالله نینگ یوزی گه ترسهکی
سلاموطندار: سیز ملی کیلیشووگه اشاره قیلدینگیز؛ سیاستچیلردن بیرقطاری بوندهی کیلیشوو ایجاد ایتیلیشی گه قول اوریشگن، بیراق آرهلریده قیینچیلیکلر موجود. بو کیلیشوونی قندهی قیلیب نتیجه گه ایریشتیرسه بولهدی؟
نبیل: بو موضوع حکومت گه تیگیشلی بولهدی. حکومت سیاسی کیلیشوو تشکیل بیره آلمهدی. سیز بیلهسیز کیم، جمهورلیک ریاست سرایی نینگ 500 مترلیک یاغدوسیده کیلیشوو بولمهگنده، سیاستچیلرنینگ آرهسیده هیچ قچان بولمهیدی. محمداشرف غنی، عبدالله عبدالله، حامد کرزی و صلاحالدین ربانی اوشبو یاغدولیکده یشهیدیلر، بیراق بولرنینگ تینچلیکدن خاص تعریفی یوق دیر. حکومت ظرفیت گه ایگه بولیب و اولرنی قانیقتیریشی لازم.
سلاموطندار: سیزگه کوره، سیلاودن اوتیش افغانستان کیلهجگی اوچون اونملی دیر. بوندهی بیر حالتده سیاستچیلرنینگ آرهسیده سیاسی وضعیت قندهی دیر و بو توغریده سیز بیلن قرارلر قیلینگن می یا-ده سیلاودن سونگ، کیلهجک حکومت توغریسیده سیلاو تیملری بیلن علاقهده سیزمی؟
نبیل: بلی، مراجعت قیلیشگن. لیکن بیزنینگ جوابیمیز شو دیر کیم، برچهمیز احتمالی بحران نی مدیریت قیلیش گه تیارگرلیک آلیشیمیز کیرهک. سیلاو جریانی ایکینچی دورگه کیتیش بحثی هم بیز باشقه بیر تیم گه قوشیلهمیز می یا-ده یوق چاغیده وجودگه کیلهدی.
سلاموطندار: سیلاو ایکینچی دورگه کیتیشی تیملرنینگ آرهسیده کوچلی بحث بولگن می؟
نبیل: بایومتریکلی آوازلر بایومتریکسیز آوازلردن اجرهتیلیب و بایومتریک اسکونهلری جدی شکلده تیکشیریلگن صورتده؛ رقملر و فایزلر آزهیهدی و 50+1 فایز آواز قولگه کیریتیش تخطی بولمهگن صورتده، قیین بولهدی. شو یوزهدن حسابلرگه قرهگنده، سیلاو ایکینچی دورگه کیتهدی.
سلاموطندار: موجود قرهمه قرشیلیکلرگه قرهگنده، سیلاو بحرانی و سیلاوگه نسبتن توپلم اراده نیمه دیر؟
نبیل: بیز و دوستلریمیز جمهورلیک ریاست نامزدلری نینگ کینگشیده کیشیلر و تشکیلاتلرگه نسبتن کوپلب دموکراسی و مردمسالارلیک سلامتی گه دقت قیلهمیز. نتیجه اعلان قیلینیب و جدی قیینچیلیک بولمهگن صورتده، بیز نتیجهنی قبول قیلهمیز. تیملرنینگ اشتراکی آواز قولگه کیریتمهگنده هم اونملی ایمس دیر، لیکن دموکراسی دوامی اونملی دیر. بیراق، سیلاو جریانی زیان کورگن صورتده، دموکراسی کیلهجگی و اهالی اشتراکی زیان کورهدی؛ شو حاضر هم سیلاو جریانیده بولگن قیینچیلیکلر حکومت نینگ ایکی سیماسی نینگ یوزی گه قتیق ترسهکی بولگن.
اوشبو سوزلشووده حاضر بولگنینگیزدن منتدارلیک بیلدیرمهمیز
