افغانستان سیلاوی‌نینگ شفافیتی‌نی کوزه‌تووچی اداره و مدنی جماعه‌چیلیک جمغرمه‌سی یا-ده مجما، بوگون کابل‌ده جمهورلیک ریاستینینگ کیله‌جک سیلاوی توغریسیده ییغین یولگه قویگن.
مذکور ییغینده افغانستان سیلاوی‌نینگ شفافیتی‌نی کوزه‌تووچی اداره رهبرلیک اعضاسی حبیب‌الله شینواری‌نینگ ایتیشیچه، جمهورلیک ریاستینینگ کیله‌جک سیلاوی شفاف بولیشی اوچون بو سیلاو آرتده قالدیریلیب یولگه قوییلیشی کیره‌ک.
اونگه کوره، سیلاولر کمیسیونلری‌نینگ اعضالری ینگی تانیشتیریلگن و سیلاو طریقه‌لرینی یخشی بیر شکلده بیلیش‌لری اوچون زمان کیره‌ک و شو یوزدن جمهورلیک ریاستینینگ کیله‌جک سیلاوی 1-2 آی آرتده قالدیریلیب یولگه قوییلیشی لازم.
عین حالده، اوشبو ییغینده افغانستان مدنی جماعه‌چیلیک اداره‌لرینی باشلیغی عزیز رفیعی نینگ ایتیشیچه، اساسی بیر شکلده اصلاحات کیلتیریلیشی و شفاف بیر سیلاو یولگه قوییلیشی گه زمینه یره‌تیلیشی اوچون سیلاولر کمیسیونلری‌نینگ ینگی اعضالری گه کوپراق فرصت بیریلیشی کیره‌ک.
شو توغریده…
سیلاولر کمیسیونلری‌نینگ ینگی اعضالری آنت ایچدیلر
نماینده‌لر کینگشی سیلاوی‌نینگ نتیجه‌سی بیکار قیلینمه‌یدی
اعتراضچی نامزدلر: نماینده‌لر کینگشی سیلاوی‌نینگ قیته‌دن یولگه قوییلیشی کیره‌ک
سیلاو شکایت‌لرینی تیکشیریش لایحه توخته‌تیلدی
افغانستان سیلاوی‌نینگ شفافیتی‌نی کوزه‌تووچی اداره و مدنی جماعه‌چیلیک جمغرمه‌سی یا-ده مجما، بیر اعلامیه ترقه‌تیب سیلاولر کمیسیونلری‌نینگ اعضالریدن قالگن ولایت‌لرنی نماینده‌لر کینگشی سیلاوی‌نینگ نتیجه‌لرینی تیزلیک‌که اعلان قیلیش‌لرینی سوره‌گن.
اعلامیه‌ده کیلیشیچه، حکومت و جمهورلیک ریاستینینگ کیله‌جک سیلاوینی نامزدلری سیلاولر کمیسیونلری‌نینگ ایشلریده اره‌لشمه‌سی کیره‌ک و بو کمیسیونلر طرفسیزلیک‌نی سقلب شفاف و عدالت‌لی بیر سیلاوی یولگه قوییشی لازم.
