جمهوررئیس 400 طالبان محبوسی نینگ قوییب یوباریلیشی خصوصیده قرار آلیش اوچون مصلحتی لویه جرگه یولگه قویه‌دی.
مملکت جمهوررئیسی محمداشرف غنی نینگ ایتیشیچه، حق‌العبدی جرم‌لرگه چلینگن 400 طالبان محبوسی نینگ قوییب یوباریلیشی حقیده قرار آلیش اوچون مصلحتی لویه جرگه یولگه قویه‌دی.
بوگون (جمعه 10- اسد) جمهوررئیس هییت مناسبتی گه نطق سوزلب کوپه‌یتیریشیچه، قانون اساسیده 400 محبوس نی قوییب یوباریش حقیده صلاحیتی یوق و شو یوزه‌دن اولرنینگ خصوصیده قرار آلیش اوچون مصلحتی لویه جرگه یولگه قویه‌دی.
جناب غنی گه کوره، هییت نینگ تورتینچی کونی گچه طالبلرنینگ باشقه 500 محبوسی قوییب یوباریلیشی ممکن.
جمهوررئیس غنی افغانستان دولتی نینگ یخشی نیتی نی کورسه‌تیش و طالبان آرقه‌لی اعلام ایتیلگن آتیش کیسین نی خوش قرشی‌لش اوچون باشقه 500 محبوس قوییب یوباریلیش بویروغی نی صادر قیلدی.
شونینگدیک جمهوررئیس بیاناتی نینگ بیر بولیمیده، مصلحتی لویه جرگه یخشی شکلده یولگه قوییلیشی اوچون نماینده‌لر کینگش اعضالریدن یاز تعطیلی‌دن قیتیش‌لرینی سوره‌دی.
جناب غنی تینچلیک‌که ایریشیش اوچون طالب‌لردن افغانستان مذاکره‌چیلری بیلن صحبت اوتکزیش‌لرینی سوره‌دی.
