اوتگن کون ایرته‌لب (جمعه) قورال‌لی طالب‌لر بغلان ولایتی‌نینگ تاله‌وبرفک تومنی مرکزی اوستیگه هجوم اویوشتیرگن‌لر. توقنه‌شوو نیچه ساعت‌دن کیین، یکونلنگن. بیراق، مذکور ولایت محلی رسمی‌لری‌نینگ ایتیشیچه، اوشبو تومن‌ده یالغیز 30 امنیتی عسکر موجود و قورال‌لی طالب‌لر، قیته‌دن هجوم قیلگن صورتده، تاله‌وبرفک‌نی نظارت‌گه آله‌دیلر.
تاله‌وبرفک ولسوالی فیض‌محمد امیری‌نینگ سلام‌وطندارگه ایتیشیچه، توقنه‌شوو نتیجه‌سیده 4 طالب هلاک بولگن و باشقه 7 اعضاسی یره‌لنگن. امیری‌نینگ ایتیشیچه، حاضر توقنه‌شوو یکونلنگن، بیراق قورال‌لی طالب‌لر قیته‌دن هجوم اویوشتیرگن تقدیرده، امنیتی کوچلر کم‌لیگی باعث، مذکور تومن‌نی نظارت‌گه آله‌دیلر.
بیراق، بغلان حاکمی عبدالستار بارزنینگ ایتیشیچه، اولر تاله‌وبرفک تومنی طالب‌لرنینگ قولی‌گه سقوط قیلیشی‌گه رخصت بیرمه‌یدی. اونینگ ایتیشیچه، امنیتی کوچلر یالغیز ایمس و خلق کوچلریدن کمیده 200 کیشی طالب‌لرگه قرشی امنیتی کوچلرگه یاردم بیره‌دی.
بغلان امنیه قومندانی نورحبیب گلبهاری، مذکور تومن‌ده امنیتی کوچلر تشکیلاتی‌ده قیین‌چیلیک بولگنینی تَن آلیب و ولایت حاکمی بیانات‌لرینی رد قیله‌دی. جناب گلبهاری‌نینگ ایتیشیچه، نیچه ییل آلدین، تاله‌وبرفک خلقی امنیتی کوچلرگه یاردم بیرردی، بیراق حاضر ایریم دلیل‌لر باعث، یاردم‌لری کمه‌یگن. بغلان امنیه قومندانی‌گه کوره، اوشبو تومن امنیتی منطقه خلقی‌نینگ همکارلیگی‌گه باغلیق بولیب تورگن.
شونینگ‌دیک، بیش آی آلدین، قورال‌لی طالب‌لر تاله‌وبرفک تومنی اوستیگه هجوم اویوشتیریب و اوشبو تومن‌نی 20 کون نظارت‌گه آلگن ایدی. بیراق، امنیتی کوچلر تامانیدن عملیات اوتکزیلگنی‌دن کیین، اوشبو تومن طالب‌لرنینگ نظارتی‌دن چیقاریلدی.
