اوتگن هفته فاریاب ولایتی نینگ المار تومنیده جنبش و جمعیت حزبلری طرفداری اورتهسیده یوز بیرگن اوچ کونلیک اوروش نتیجه سیده اون کیشی عالمدن اوتیب باشقه 17 انسان یره لنگن ایدی. حادثه دن کیین مساله تیکشیریلیشی اوچون مرکزدن بو ولایت گه هیات یوباریلگن ایدی.
اوشبو هیات تیکشرو نتیجه سینی بوگون اعلان قیلدی. فاریاب گه یوباریلگن هیات نینگ قولگه کیریتگن معلومات لریده جنبش و جمعیت حزبلری طرفداری اورته سیده یوز بیرگن اوروش ده حکومت نینگ حربی جهازلری سوء استعمال ایتیلگن. هیات تامانیدن قولگه کیریتیلگن معلومات بوگون ولایت نینگ آقسقاللری، دین عالم لری و مدنی فعاللری حضوریده اعلان قیلیندی. هیات توقنشوو " سوء تفاهم" دیگن.
هیات نی رهبرلیک قیلگن جناب سیدزاده، قوراللی طالب لر بیلن حکومت اورته سیده روی بیرگن اوروش لر جریانیده المار تومنی نینگ 120 خانه دانی اوز یشش اویلریدن آواره بولگنلر.
بو عایله لر اوروش یکونلگن دن سونگ جنبش نینگ قوماندانلریدن بولمیش نظام الدین قیصاری تامانیدن قیته دن منطقه لریگه آلیب باریلگن ده قوراللی توقنشو یوز بیریش گه باعث بولگن.
تیکشیرو هیات نینگ معلوماتی گه کوره، بوندن آلدین جنرال قاطع بیلن آواره بولگن 120 خانه نینگ بیرقنه سی اورته سیده سابق دن خصومت بولگن.
او، کیچیک گروه لر ایکی حزب اورته سیده توقنشوو یوز بیرشی گه باعث بولگن لر دیگن. هیات، برچه معلومات لر تکمیل ایتیلگن دن کیین واقعه عامللری قانونگه تاپشیریلیشی ممکن دیگن.
جناب سیدزاده، تامانلرنینگ قومانداندن بوندن سونگ بو قبیل اوروش گه قول اورمس لیک لری اوچون تعهد آلینگن. شونینگ دیک مجلس ده جمعیت و جنبش حزب لری نینگ نماینده لر مساله کوپراق اساسی شکلده تیکشیریلیشی اوستیده تاکید ایتگنلر.
