بوگون "سه‌شنبه" مملکت ایکینچیلیک و چارواچیلیک وزیری نصیراحمد درانی‌نینگ «سرمایه یاتقزیش و جلغوزه‌نی کوپه‌یتیریش» کنفرانسی‌ده ایتیشیچه، افغانستان جلغوزه‌نی کوپه‌یتیریش و پروسس قیلیش بولیمیده 1.4 میلیارد دالر سرمایه یاتقزه آله‌دی.
جناب درانی گه کوره، خصوصی بولیم‌لر جلغوزه‌نی پروسس قیلیشی‌گه سرمایه یاتقزگن صورتده، ایکینچیلیک وزیرلیگی بسته‌بندلیک و جواز بیریش خصوصیده، همکارلیک قیله‌دی و اوشبو ایش جلغوزه‌نینگ حاضرگی ارزشی‌نی ایکی برابر یوقاری ایلته‌دی.
ایکینچیلیک و چارواچیلیک وزیری‌نینگ کوپه‌یتیریشیچه، افغانستان جلغوزه‌سی ممکت ایچیده و چیت‌ایللیک مملکت‌لرده اصلی بهاسی‌گه ساتیلمه‌یدی و بو محصول‌نینگ معیاری توزه‌تیش خصوصیده سرمایه یاتقزیلگن صورتده، مملکت درآمدی‌گه ایجابی تاثیر قویه‌دی.
اونینگ ایتیشیچه، جاری ییلده ییر یولی بیلن 122 تن جلغوزه و هوا یولی آرقه‌لی 1100 تن جلغوزه تورلی مملکت‌لرگه صادر ایتیلگن و شونینگ‌دیک 150 تن جلغوزه صادر قیلیش‌گه تیار دیر.
عین‌حالده، صنعت و سوداگرلیک اتاقی مسووللری‌نینگ ایتیشیچه، مملکت سوداگرلری ویزه آلیش و قرضه خصوصیده جدی قیین‌چیلیک‌لر بیلن روپه‌ره بوله‌دیلر.
مملکت جلغوزه بیرلشمه‌سی مسووللری‌نینگ ایتیشیچه، جلغوزه‌نینگ صادارت رقمی‌نی اعلان قیلیش خصوصیده، دولتی اداره‌لر آره‌سیده هماهنگ‌لیک یوق دیر.
