افغانستان قیته قوریلیشی خصوصیده آمریکا قوشمه ایالت‌لری نینگ خاص باش مفتش اداره‌سی یا-ده سیگار، آمریکا کانگرسی ده ارایه قیلگن 3 آیلیک گزارشی ده افغانستان ساغلیک سیستمی کوچسیزلیگی، توییب آوقت‌لنمس‌لیک، تورلی کسل‌لیک‌لر، ایچکی بدرغه‌لر و حاضرگی اوروش نقطه‌ی نظریدن جدی قیین‌چیلیک گه دوچ کیلیشی توغریسیده آگاه‌لنتیردی.
اوشبو گزارش ده سیگارنینگ ایتیشیچه، افغانستانده احتمالی فاجعه موجود و افغانستانده‌گی سناقسیز زیان کوریشلر، بو مملکت نی کیله‌سی آیلرده ساغلیک نقطه‌ی نظریدن جدی بیر فاجعه گه روپه‌ره قیله‌دی.
مذکور گزارش افغانستان قیته قوریلیشی خصوصیده آمریکانینگ خاص مفتشی جان سپکو تامانیدن نشر قیلینگن و بو گزارش‌ده کرونا ویروس افغانستان نی کوتیلمه‌گن قیین‌چیلیک که دوچ قیلیشی بیلدیریلگن.
سیگارنینگ گزارشی اساسیده، کرونا ویروس بیر تاماندن افغانستان تینچلیگی خصوصیده بولگن سعی و حرکت‌لرنی چیگل قیلگن و باشقه بیر تاماندن چیگره‌لر باغلنگنی باعث، سوداگرلیک توارلر و انسان دوستلیک یاردملر انتقال بیریلیشی گه قیین‌چیلیک یره‌تگن.
باشقه بیر تاماندن، جان سپکونینگ ایتیشیچه، افغانستانده ییگولیک ماده بهاسی کوتریلگنی وضعیت نی بحرانلی قیلیشی ممکن.
عین حالده، افغانستان توغریسیده آمریکا کانگرسی گه سیگار تامانیدن ارایه قیلینگن گزارش ده کیلیشیچه، افغانستانده ناتو تشکیلاتی نینگ مدیریتی تعلیمات، یاردم و مصلحت دییلگن.
شونینگدیک، سیگارنینگ گزارشی اساسیده، افغانستانده تینچ اهالی قربانلری نینگ رقمی، میلادی 2019- ییل نینگ بیرینچی اوچ آیی گه نسبتن میلادی 2020- ییل نینگ بیرینچی اوچ آیی‌ده 32 فایز کمه‌یگن.
شونده‌ی بیرحالده، اوتگن ییل آلتینچی ییل ایدی کیم، افغانستان زوروانلیک‌لریده تینچ اهالی قربانلری نینگ رقمی 10 مینگ کیشی دن آشردی.
