بوگون (شنبه 29 جوزا) تورکیه دولتی‌نینگ افغانستان‌ده‌گی انسان پرورلیک یاردم کورسه‌تیش اداره‌سی یا تیکا، افغانستان عیاللر اجتماعی نهادی اشتراکی‌ده رمضان مبارک آیی مناسبتی بیلن کابل‌ده حیات کیچیره‌دیگن کم‌بغل عایله‌لردن بیر قسمی‌گه ییگولیک آذیقه یاردم قیلدی.
بوگونکی تیکانینگ یاردملرنی ترقتگن فتانه گیلانی، یوزگه یقین قشاق خانه‌دان حضوریده رمضان مبارک آیی مناستی‌ده قشاق عایله لرگه کورستیلگن تورکیه دولتی یاردملری‌دن اوز منت‌دارچیلیگی‌نی بیلدیریب، ییگولیک ماده‌لرنی قشاق عایله‌لرگه ترقه‌تیب بیردی.
بوگونکی ییگولیک ماده‌لر «اون، برنج، یاغ، لوبیا، نخود، چای، شکر، ماکارانی، صابون و توزدن» عبارت بولیب هر بیر عایله نینگ 3 آیی‌لیک ییگولیک آذیقه‌سی تأمین ایتیلیشی تیکا دفتری اورین باسرلیگی تامانیدن اورغولندی.
افغانستان‌ده طالبان رژیمی تونتریلیشی بیلن 40 دن آشه تشقی مملکت‌لر قطاریده تورکیه دولتی هم افغانستان‌نی مالی، حربی، اقتصادی و فرهنگی بولیم‌لرده دستکلش وعده‌سینی بیرگن ایدی.
شوندن چمه‌سی 15 ییل اوتیشی بیلن تورکیه نینگ اینیقسه فرهنگ و انسان پرورلیک یاردم‌لری کوزگه کورینرلی درجه‌ده بولیب، بیرگن وعده سینی اثباتلش اوچون مملکت بوتون ولایت‌لریده فعال حصه قوشیب کیلماقده.
رمضان مبارک آیی و قربان بیره‌ملریده، تورکیه دولتی نینگ انسان پرورلیک یاردم کورسه‌تیش اداره‌سی تیکا افغانستان‌لیک قشاق خانه‌دانلردن مینگلرچه‌سی تورکیه نینگ انسان پرورلیک یاردم‌لیکلرینی قولگه کیریته‌دیلر.
هر ییل قربان بیره‌میده تورکیه خلقی اوز قربانلیکلرنی افغانستان، سوریه و عراق کبی قشاق مملکت‌لرده منه شو تیکا دفتری و اونگه یاردمچی نهادلر واسطه‌سی بیلن مینگلرچه جانلیغ قربانلیک قیلینیب کم‌بغل کیشیلرگه تقسیم قیلینه‌دی.
