بوگون یکشنبه کابل ده بیر خبری انجمن اوتکزگن مذکور اداره نینگ مسووللری‌گه کوره، مملکت نینگ ایریم ولایت‌لریده‌گی نابرقرارلیک‌لر تورر بناسی آواره بولگن لر سنی آشیشی گه باعث بولگن.
بو اداره نینگ اعضاسی کریمه کریم، بو جریان دوام تارتگن حالده، کمپ‌لر ده حیات کیچیره دیگن یاش‌لر طالب‌لر ارقه‌لی عسکرلیک‌که آلینیش‌لری اوچون جدی خواطرلر بار دیگن.
خانم کریمی، هنوزگه ایچکی آواره بولگن‌لرنینگ سانی انیق ایمس دیگن. عین حالده، ایریم ملی و خلق ارا اداره‌لر 800مینگ انسان اوز ییش اوییدن آواره بولگن لیگینی تخمین قیلگن‌لر
شونینگ‌دیک خانم کریمی، آواره بولگن‌لرنینگ سانی انیق بولمه‌گن‌لیگی سبب یاردم ییتکزیب بیریش جریانی‌ده هم تورلی قیین‌چیلیک لرگه دوچار بولگن.
عادی اهالینی حمایت قیله دیگن اداره رسمیلری، سونگی وقت‌لرده‌گی نابرقرارلیک‌لر آواره بولگن‌لر سانی آشیشی‌گه باعث بولگن دیگن‌لر.
بو اداره‌نی قندوز مهاجرلر اداره‌سی‌گه اساسلب یازیشیچه، بو ولایت‌ده سونگی وقت‌لرده یوز بیرگن جنگ‌لرده 18 مینگ خانه دان او اویلریدن آواره بولگن.
اما، خانم کریمی، افغانستان مهاجرلر وزیرلیگی آواره بولگن‌لر اوچون هیچ قنده‌ی بودجه نظرده توتمه‌گن‌لیگی نی تنقید قیلگن.
ایتیلیشیچه، آواره بولگن‌لرنینگ فرزندلری تعلیم و تربیه‌دن هم بهر سیز قالماقده‌لر.
شونینگ‌دیک تینچ اهالینی حمایت قیلیووچی اداره، مذکور شخص لر تیزلیک‌ده اوی جایلریگه قیتریلیش‌لرینی طلب قیلگن.
مملکت‌نینگ ایریم منطقه‌لریده قوراللی طالب‌لرنینگ بهاری عملیاتی باشلنگن‌دن بیری افغانستان بویلیب مینگ‌لب عایله اوز یشش اویلرنی ترک قیلیب باشقه جایلرگه باش پنه ایزله‌گن.
