مملکت یشاوچیلری و مدنی جماعهچیلیک اعضالری، 21- سپتمبر تینچلیک خلق ارا کونیده، اوروش دوام ایتیشی و مملکتده تینچ اهالی قربانلیگی کوپیگنی توغریسیده خواطر بیلدیردی.
تینچلیک خلق ارا کونی، 21- سپتمبر کابل، هرات، بلخ، قندوز و خوست شهرلریده نشانلندی.
اوشبو کوندن هر ییل دنیا بویلب ایریم ییرلرده نشانلنهدی و اوشبو کوندن نشانلش ایریم پیتلرده ایکی تامان اوروشچینلری اورتهسیده، وقتینچهلیک آتش کیسینگه باعث بولهدی.
تینچلیک (اکسونپ) خصوصیده افغانستان مدنی جماعهچیلیک ادارهلر ترماغی رهبرلیگی هیأت اعضالریدن بیری «سرور ماموندنینگ» تینچلیک خلق ارا کونیدن نشانلش مراسمیده ایتیشیچه، کابلدهگی تحمیلی اوروشلر مملکت یشاوچیلرینی قیینچیلیککه روپهره قیلگن و خلقنی بیرینچی آرزوسی مملکتده تینچلیک تأمینلنیشی دیر.
شوندهی بیرحالده، جمهور رییس غنی، شو کون مناسبتی توغریسیده بیرگن پیامیگه، تینچلیک اهمیتی و اوروش یمانلیگی اوستیگه تأکیدلب ایتیشیچه، تینچلیک سایهسیده یشش، هر بیر انساننی طبیعی حقی بولهدی.
شونینگدیک «اکسونپ» ترماغی اساسچیلریدن بیری رازمحمد دلیلیگه کوره، غیر دولتی ادارهلر و بیر قطار مدنی جماعهچیلیک ترماغلری بیلن بیرگهلیکده 7 ییل جریانیده بیر کتاب چیقارگن و اونی موضوعسی تینچلیک دیر. او، جمهور رییسدن مذکور کتابنی مکتب اوقووچیلری اورتهسیده درسی کتاب قیلیشینی سورهدی.
باشقه تاماندن، تشقی ایشلر وزیرلیگی استراتیژیکی مطالعهلر مرکزی باشلیغی فرامرز تمنا، افغانستان اوچون تینچلیک مطالعهلر مرکزی ایجاد ایتیلیشی اوستیگه تأکیدلهیدی. جناب تمنانینگ ایتیشیچه، افغانستان هردایم چیگل لیککه چالینیب کیلگن مملکتلردن بیری دیر، بیراق اوتکن 14 ییل جریانیده، مملکتده تینچلیک مطالعهلر خصوصیده هیچ بیر مرکز ایجاد ایتیلمهگن.
اونینگ کوپهیتیریشیچه، شوندهی بیر مرکز ایجاد ایتیلگنیگه قدر، تینچلیک سلیقهیی صورتده دوام ایتهدی و بو لایحه وقتینچهلیککه اوزگریب و بی تأثیر بولیشی ممکن.
شونینگدیک، اداری ایشلر سیاسی، اجتماعی و مدنی علاقهلر باشلیغی میاگل وثیق، مملکتده تینچلیک مطالعهلر مرکزی ایجاد ایتیلیشیدن حمایت قیلیب، تینچلیک عنوانیده بولگن کتابنی درسی کتاب توزهتیش خصوصیده، جمهور رییس بیلن شریک قیلیشی توغریسیده سوزبیرگن.
انه شوندهی، تینچلیک خصوصیده افغانستان مدنی جماعهچیلیک ترماغی تامانیدن، اوشبو ترماغ اعضالریدن 5 تهسی اوتکن ییللرده مملکت اوزاق منطقهلریده تینچلیک توغریسیده ایشلهگنلری باعث، آلقیش لندی.
تینچلیک تأمینلنیشی خصوصیده عیاللر رولی
شونینگدیک، اوشبو مناسبت توغریسیده بلخ، هرات، قندوز و خوست ولایتلریده اوتکزیلگن نمایش اشتراک چیلریدن کوپینچهسی، مملکتده ناتینچلیکلر کوپیگنی خصوصیده، حکومت باشلیغلرینینگ عیبلگنلر.
هرات والیسی محمد آصف رحیمی، مذکور ولایتده «تینچلیک لایحهسیگه عیال رولی» ناملی نمایشده سوزگه چیقیب، مملکت تینچلیک لایحهسیگه عیاللر رولی کوپهییشی اوستیگه تأکیدقیلگن.
شونینگدیک، هرات والیسینینگ ایتیشیچه، مملکتده ثبات کیلتیریش خصوصیده، حکومت جدی صورتده سعی و حرکت قیلماقده و تینچلیک ایشیکلری عصیانچیلر برابریده آچیق دیر، بیراق اولر بولایحهگه قوشیلمهگن صورتده، نابود ایتیلیشلری ممکن.
اوشبو ولایت فعال عیاللری و ولایتی کینگش نمایندهلریدن بیرقطاری، دایمی تینچلیک حکومت وعدهلری عملی بولیشیگه باغلیق دییدی.
اولر، عیاللر رولی کوزگه توتیلمسلیگینی، تینچلیک یوکسک کینگشی ناکاملیگینی اصلی عاملی دیب بیلهدیلر.
بلخ و خوست ولایتلریده فعال عیاللردن بیرقطاری، حکومت کم کارلیگیدن تنقیدقیلیب ایتیشیچه، حکومت وعدهلری عملگه آشیریلمهگنی و ایشسیز کوپیگنی باعث، مملکتده ناتینچلیکلر کوپهییب و تینچلیک لایحهسی ناکام بولگن.
شونینگدیک، قندوز والیسی محمد عمر صافی، اوشبو مناسبت توغریسیده اوتکزیلگن ییغینده سوزگه چیقیب ایتیشیچه، مملکتده دایمی تینچلیک تأمینلنیشی خصوصیده برچه خلق ایشگه کیریشی لازم.
میلادی 1982- ییل 21- سپتمبر تینچلیک خلق ارا کونی آتیگه قوییلگنیدن کمیده تورت دهه اوتیب بارماقده، بیراق حاضرگه قدر دنیا اوروش بیلن بیرگه بولیب قالگن. بو اورتهده افغانستان کوپلب قربانلیک بیریب کیلماقده.
تینچلیک خلق ارا کونیدن هر ییل دنیا بویلب نشانلنهدی و اونگه قیناقلیک و اوروش بحثگه آلینهدی. میلادی 1982- ییل 21- سپتمبردن کیین، هر ییل شوندهی بیر کونده «تینچلیک زنگی» بیرلشگن ملتلر تشکیلاتی بناسیدن سیس چیقارهدی.
