افغانستان بوییچه ملی-دموکرات و ترقی‌خواه تشکیلات‌لر و حزبلر ایتلافی رهبرلیک اعضاسی نورالحق علومی نینگ مذکور ایتلاف موجودیتی نی اعلان قیلیش مراسمی ده ایتیشیچه، تینچلیک مصلحتی قورولتایی سیاسی اویین و خاص بیر تیم اوچون سیلاو کمپاینی دیر.
جناب علومی گه کوره، حکومت تینچلیک جریانی خصوصیده، سیاسی حزبلر و دموکراتیک جریانلرنی نظرگه آلمه‌گن و یالغیز سابق جهادی رهبرلر و طالبان گروهی نی ییترلی کورگن.
افغانستان بوییچه ملی-دموکرات و ترقی‌خواه تشکیلات‌لر و حزبلر ایتلافی اعضالری، افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد و طالبان گروهی نینگ نماینده‌لری آره‌سیده اوتکزیله‌دیگن سوزلشوولردن حمایت قیله‌دی.
افغانستان بوییچه ملی-دموکرات و ترقی‌خواه تشکیلات‌لر و حزبلر ایتلافی تینچلیک مصلحتچی قورولتایی دن تنقید قیلگن بیرچاغده، ملی بیرلیک حکومت اجراییه باشلیغی عبدالله عبدالله شامل جمهورلیک ریاستی سیلاوی نینگ نامزدلریدن بیرقطاری مذکور قورولتای ده اشتراک قیلیش دن وازکیچگن‌لر.
