بوگون «یکشنبه» کابل‌ده «سیل کسل‌لیگی گه قرشی کوره‌ش» نامی‌ده یولگه قوییلگن ییغینده مملکت اجراییه باشلیغی عبدالله عبدالله نینگ ایتیشیچه، تینچلیک سوزلشوولری رهبرلیک قیلینیب و آلغه آلیب باریلیشی خصوصیده، بیر هیأت ایجاد ایتیلیشی اوچون مصلحت‌لر باشلنگن.
اجراییه باشلیغی گه کوره، مملکت‌ده تینچلیک تأمین‌لنیشی خصوصیده اساسی یول و سیس بولگنده کوپراق تأثیر قویه‌دی و شونینگدیک، یخشی نماینده‌لیک قیلیش‌گه سبب بوله‌دی.
جناب عبدالله نینگ کوپه‌یتیریشیچه، مملکت یشاوچیلری حقوقلری آیاق آستی بوله‌دیگن اوتمیشده‌گی قارانغو کونلرگه قیتیشنی ایستمه‌یدیلر و اولر سیلاو آرقه‌لی تقدیرلری تعیین ایتیلیشی‌نی ایسته‌یدیلر.
عین حالده، سلام‌وطندارگه صحبت بیرگن طالبان گروهی نینگ سابق رسمی‌لریدن بیری وحید مژده نینگ ایتیشیچه، حکومت نینگ یکه‌تازلیک سیاستی تینچلیک سوزلشوولری اوچون مملکت سیاستچی‌لری نینگ آره‌سیده کیلیشوو ایجاد ایتیلیشی گه توسیق بوله‌دی.
جناب مژده گه کوره، تینچلیک سوزلشوولریده افغانستان حکومتی نینگ موضوعی حاضرگچه آیدین‌لشمه‌گن و حکومت تینچلیک سوزلشوولرینی رهبرلیک قیلیشی خصوصیده تأکید قیلگن صورتده، طالبان گروهی سوزلشووگه حاضر بولمه‌یدی.
مژده نینگ ایتیشیچه، طالبان گروهی قطرده یولگه قوییلگن تینچلیک سوزلشوولریده بولگن یوتوقلر و اوشبو سوزلشوولرنی بیشینچی دوری نتیجه‌سیدن خرسندلیک بیلدیرگن.
طالبان گروهی نینگ اوشبو سابق ملازمی گه کوره، وقتینچه‌لیک حکومت تشکیل ایتیلیشی گه طالبان گروهی‌نینگ تأکید قیلمه‌سی، بو موضوع ده اولرنینگ یومشاقلیگی‌نی کورسته‌دی. بیراق افغانستان حکومتی نینگ نماینده‌لری بیلن حکومت نماینده‌سی صفتیده ایمس، بلکیم اوروش تامانلری ترکیبی ده مذاکره قیله‌دیلر.
مملکت اجراییه باشلیغی عبدالله عبدالله، اساسی بیر کمیته ایجاد ایتیلیشیدن صحبت قیلگن بیرچاغده، نیچه کون آلدین سلام‌وطندارگه صحبت بیرگن بیر منبع، دوحه تینچلیک سوزلشوولرینی سونگی دوریده اجراییه باشلیغی اشتراک قیلیشی دن خبر بیرگن ایدی.
شونینگدیک، اوتگن کون جمهور رئیس محمداشرف غنی، سابق حکومت رسمی‌لری و جهادی رهبرلرنینگ بیرقطاری بیلن تینچلیک سوزلشوولری توغریسیده اوچره‌شیب و صحبت قیلگن.
عین حالده، اوزبیکستاندن کابل‌گه کیلگن هیأت تشکیلی‌ده بولگن مذکور مملکت نینگ تشقی ایشلر وزیری عبدالعزیز کاملوف و ملی خوفسیزلیک مصلحتچیسی ویکتور محمودوف نینگ جمهور رئیس محمداشرف غنی گه تکلیف قیلیشیچه، طالبان گروهی افغانستان حکومتی بیلن ایرکین مذاکره قیلیش گه تیارگرلیک کورستگن حالده، اوزبیکستان بو ییغین‌نی سمرقند تأریخی شهریده میزبانلیک قیلیش گه تیار دیگن‌لر.
