خبرچیلرنینگ خوفسیزلیگی‌نی سقلش کمیته مسؤوللری‌نینگ ایتیشیچه، حکومت و دنیا جماعه‌چیلیگی میدیا ایشلاوچی‌لری و خبرچیلرنینگ خوفسیزلیگی‌گه دقت قیلیب و شونینگدیک، تینچلیک سوزلشوولریده بو موضوع اولویت بیریلیشی کیره‌ک.
بوگون «پنج‌شنبه» خبرچیلرگه قرشی جنایت‌لرنی بیکار قیلیش خلق ارا کونیدن نشانلش مراسم‌ده خبرچیلرنینگ خوفسیزلیگی‌نی سقلش کمیته باشلیغی نجیب شریفی‌نینگ ایتیشیچه، حکومت خبرچیلرنینگ خوفسیزلیگی و اولرگه قرشی جنایت دوسیه‌لریگه جدی شکلده دقت قیلیشی لازم.
جناب شریفی گه کوره، میدیا ایشلاوچی‌لریدن 20 ته‌سی میلادی 2017- ییل‌ده و باشقه 14 ته‌سی میلادی 2018- ییل‌ده جان بیرگن‌لر و بو سوز ایرکین‌لیگی‌گه قرشی جدی تهدید سنله‌دی.
اوشبو ییغینده افغانستان بوییچه بیرلشگن ملت‌لر تشکیلاتی‌نی خاص نماینده‌سی تدامیچی یاماموتونینگ ایتیشیچه، خبرچیلرگه قرشی جنایت میزانی یوقاری دیر و سوز ایرکین‌لیگی هیچ‌قچان معامله بولمه‌سی کیره‌ک. افغانستان بوییچه بیرلشگن ملت‌لر تشیکلاتی‌نینگ خاص نماینده‌سی گه کوره، بو تشکیلات توانی باریچه میدیالردن حمایت قیله‌دی.
شونینگدیک، اوشبو ییغینده جمهور رئیس‌نینگ ایکینچی اورین باسری سرور دانش‌نینگ ایتیشیچه، خبرچیلرگه قرشی زورهوانلیکلرنی اصلی عاملی ترورچیلر و حکومت گه قرشی قوراللی گروه‌لر دیر. جناب دانش گه کوره، حکومت‌نینگ کوچلی کیشی‌لریدن بیرقطاری، زوره‌وانلر و سیاسی رهبرلردن بیرقطاری، میدیا ایشلاوچی‌لری و خبرچیلرنینگ برابریده ناقانونی حرکت و زوره‌وانلیک‌که عیب‌لنگن‌لر.
میلادی 2013- ییل، 2- نوامبر، بیرلشگن ملت‌لر تشکیلاتی تامانیدن خبرچیلرگه قرشی جنایت‌لر بیکار قیلینیش خلق ارا کونی صفتیده ناملنگن.
