صناعت و سوداگرلیک اتاقی مسؤوللری و سوداگرلردن بیرقطاری، بوگون تینچلیک سوزلشوولری توغریسیده سوداگرلرنینگ تکلیف‌لری و خواطرلری شامل ریجه اوستیگه ایش باشله‌گن‌لر.
صناعت و سوداگرلیک اتاقی اورین باسری خان‌جان الکوزی نینگ ایتیشیچه، خواطرلر، تکلیف‌لر، امکانیت یره‌تیش، شغل ایجاد قیلیش و اقتصاد بازاری ترقی‌له‌نیشی اوشبو ریجه‌گه جای‌لشتیریلگن دیر.
جناب الکوزی گه کوره، مذکور ریجه تیارلنگنی‌دن سونگ، حکومت، طالبان گروهی، تینچلیک عالی کینگشی و تینچلیک مصلحتی قورولتای‌گه یوباریله‌دی.
شونینگدیک، عیاللر بوییچه صناعت و سوداگرلیک اتاقی‌نی باشلیغی منیژه واقف نینگ ایتیشیچه، طالبان گروهی حکومت ده سهیم بولگنی حالده، عیاللرگه فعالیت قیلیش زمینه‌نینگ کیچیک بولیشی‌دن خواطرلنماقده‌لر.
خانم واقف نینگ ایتیشیچه، سوداگر عیاللر حاضرده افغانستانده 7 میلیون‌دن آرتیق دالر سرمایه‌یاتقیزگن و 11 مینگ‌دن آرتیق ایشخانه‌نی رهبرلیک قیله‌دیلر.
عین‌حالده، تینچلیک عالی کینگشی‌نی دبیرخانه باشلیغی محمدعمر داوودزی نینگ ایتیشیچه، باشقه خصوصی بولیم‌لرنی هم تینچلیک مصلحتی قورولتای و تینچلیک سوزلشوولر خصوصیده بولگن خواطر و تکلیف‌لرینی اریه قیلیش اوچون حقی بار دیر.
شوتوغریده…
