سیلاو ایرکین کمیسیونی نینگ اعلان قیلیشیچه، بایومتریک اسکونه‌لریدن 7 ته‌سی کابلده یوقالگن و زوره‌وان کیشی‌لر باشقه 22 بایومتریک اسکونه‌سیگه قول اورگن. سیلاو ایرکین کمیسیونی اعضاسی مولانا عبدالله نینگ کابلده بیرخبری ییغین آرقه‌لی ایتیشیچه، اوشبو رقم پارلمانی سیلاوده یوقالگن بایومتریک اسکونه‌لریگه قره‌گنده کم دیر.
اونینگ ایتیشیچه، نماینده‌لر کینگشی سیلاویده کمیده 400 بایومتریک اسکونه یوقالگن ایدی.
بیراق، افغانستان بوییچه شفاف سیلاو بنیادی یا-ده تیفا سوزلاوچیسی صغرا سعادت نینگ ایتیشیچه، بایومتریک اسکونه‌لرنینگ یوقالگنی خصوصیده سیلاو ایرکین کمیسیونی تامانیدن بیریلگن ارقام ناتوغری دیر.
اونینگ ایتیشیچه، جمهورلیک ریاستی سیلاویده بایومتریک اسکونه‌لریدن کوپ قطاری یوقالگن دیر.
تیفا سوزلاوچیسی، سیلاو ایرکین کمیسیونی مسووللریدن بایومتریک اسکونه‌لردن بیللی نامزد منفعتی‌گه فایده‌لنگن کیشی‌لر آت‌لرینی اهالی بیلن شریک قیلیشی‌نی سوره‌گن.
عبدالله عبدالله رهبرلیگی‌ده بولگن یقینلیک و برقرارلیک سیلاو تیمی اعضاسی محمد ناطقی نینگ سلام‌وطندارگه ایتیشیچه، بایومتریک اسکونه‌لردن ناتوغری فایده‌لنگن کیشی‌لرنی عدالی و قضایی نهادلرگه تاپشیریلیشی کیره‌ک.
سیلاو ایرکین کمیسیونی مسووللری نینگ ایتیشیچه، بایومتریک اسکونه‌لری یوقالگن منطقه‌لرنینگ آوازلری بیکار قیلینه‌دی.
اجتماعی ترماقلرده ترقه‌تیلگن معلومات‌لرگه کوره، یالغیز قندهار ولایتی نینگ اسپین‌بولدک تومنیده بایومتریک اسکونه‌لریدن 29 ته‌سی یوقالگن دیر، بیراق سیلاو ایرکین کمیسیونی حاضرگچه بوتوغریده فکر بیلدیرمه‌گن.
