غزنی ولایتی نینگ بیر قطار مدنی فعاللری، سنتی جمعیت‌ده خرافاتی توشونچه‌لر کوپه‌یگن دیدیلر. بو وضعیت ایسه بیر قنچه عیاللر حیاتینی قاره قیلگن دیدی فعال خاتینلر.
غزنی‌لیک عیال فرزانه یخشی قوم‌لیک و یامان قوم‌لیک پدیده‌سی ینگی کیلینلرنینگ تقدیری اوچون اساسی روی اوینه‌یدی دیدی.
اونینگ تعبیریچه بو توشونچه غزنی جمعیتی اینیقسه قطار خاتینلر ذهینیگه ایلدیز آتگن دیگن.
خانم فرزانه گه کوره، اونشتریلگن زمان‌دن توی نینگ بیرینچی کونیگه قدر کیاو نینگ اوییده هر قنده‌ی بیر حادثه یوز بیرگن حالده، اونی توغریدن – توغری ینگی کیلینگ نینگ تقدیریدن کیلیب چیقه دیگن توشونچه‌لر بار.
یخشی واقعه‌لر ایسه عایله‌نینگ فرزندی بختلی ایکن لیگیدن دلالت بیره‌دی دییه تعبیر قیله دیلر دیگن خانم فرزانه. بیرار قیز اونشتیریلگن دن سونگ کیاو نینگ اوییده بیرار نا خوش حادثه یوز بیرسه اونی بی واسطه کیلین‌گه باغله‌یدیلر. یعنی ینگی کیلین قیلگن دن کیین عایله میزده بونده‌ی فلاکت یوز بیردی دییه توشونه‌دیلر.
غزنی‌لیک فعال عیال خاطره سلطانی نینگ سلام وطندار رادیو‌سی‌گه ایتیشیچه، کیاو نینگ خانه‌دان اعضالری ینگی کیلین مقابلیده سلبی پروفاگند قیله باشله یدیلر.
بونده‌ی واقعه‌لر ایسه باریب – باریب بعضی بیر ینگی کیلنلرنینگ طلاق، عایله‌وی زوروانلیک حتی اوز حیاتیگه نقطه قوییشی‌گه سبب بوله‌دی دیدی مذکور فعال عیال.
شونینگدیک خانم سلطانی بو قبیل توشونچه‌لر سواد سیزلیکدن کیلیب چیقه‌دی دیگن. هنوزگچه بونده‌ی خرافات‌لرگه قرشی کوره‌شیش اوچون زمینه یره‌تیلمه‌گن دیدی اوشبو غزنی‌لیک فعال خاتین.
عین حالده، غزنی خاتین قیزلر اداره‌سی نینگ حقوق بوییچه مدیری فوزیه کاکر، ولایت‌ده طلاق همده زوروانلیک حاللر آشگن لیگی باره‌سیده خواطر بیلدیرگن.
اونینگ تعبیریچه خاتین قیزلرنینک کته قسمی جمعیت‌ده‌گی سنتی مساله‌لرنینگ قربانی بولیب کیلگن.
بولر هر کون اوشبو مساله‌دن کیلیب چیقه دیگن قیین‌چلیک‌نی حل قیلیش بیلن بندلر. افغانستان مرکزیده جایلیشگن غزنی ولایتی نینگ اون تومنی بار. بو ولایت‌ده هنوز هم خاتین قیزلرگه اورگه‌نیش و اورگه‌تیش اوچون دییرلی مرکزلر تاسیس ایتیلمه‌گن.
