ییللر اوتیشی بیلن دولت بو کوپریکی نی قیته دن توزه تیش نی ایسته‌گن، بیراق حاضر گه قدر بو یاغاچ کوپریکدن ایشله تیلمه‌گن و بوندن ایشک‌دن باشقه هیچ بیر نقلیه واسطه اوته المیدی.
اوشبو کوپریک دایکندی مرکزی‌نینگ آلتی کیلومترلیگی‌ده جایلشگن. دایکندی یشاووچیلری و مدنی فعال‌لری نینگ ایتیشلریچه، اولر نیچه بار محلی حکومت رسمیلریدن بو کوپریکی‌نی توزه تیشنی سوره‌گن‌لر.
حکومت هم هر مرته کوپریک‌نی قیته توزه‌تیش اوچون اهالی‌گه سوز بیرگن. بیراق، حاضرگه قدر سوز لری عمل‌گه آشیریلمه‌گن. دایکندی مدنی فعال لریدن بیری مهدی مدبر‌گه کوره، بو یاغاچ کوپریک بیر کتته دریا نی اوستیده قرار تاپگن، یوک تاشیش و تومن‌لرنی مذکور ولایت‌گه اولشتیریشی اوچون اوته کوپ مهم دیب بیله‌دی.
اوشبو پیتده یوک تاشیوچی موتر لر بو کوپریکدن قتنه آلمیدی و قیش موسومیده انسان‌لر و ایشک‌لرنی باریش و کیلیشی هم قیین‌چیلیک بیلن دوچار بوله‌دی. جناب مدبر بو کوپریک‌نی قیته توزه‌تیلمه گنلیگینی دلیلی‌نی عامه فواید و قیشلاقلرنی رواجلنتیریش اداره‌سی‌نی کفایت سیزلیگی دیب معلوم قیله‌دی.
بو کوپریک‌نی قیته توزه‌تیشی بو ایکّی اداره‌نی رواجلنتیریش برنامه‌لرینی اره‌سیده یوق دیب بیله‌دی. دایکندی ولایت کینگش اعضالریدن بیری هادی رحیمی‌نینگ ایتیشیچه، بوکوپریک‌نی قیته توزه‌تیش اوشبو ولایت یشاووچیلری ضرور احتیاج دیگن.
دایکندی‌نینگ آلتی تومنی یالغوز اوشبو یاغاچ کوپریک آرقه‌لی بیر -بیراوی بیلن اوله‌شه‌دی. بیراق، دایکندی ولایت والی‌سی معصومه مرادی‌نینیگ سلام‌وطندارگه ایتیشیچه، بو کوپریک توزه تیش ایشی 1395-ییل باشله‌نیب و دایکندی عامه فواید اداره‌سی بو توغریده لایحه‌سی‌نی ولایت مقام گه تاپشیریشی ممکن دیگن.
اوتگن ییل دایکندی یشاووچیلری و مدنی فعال‌لری بیر اعتراض اوتکزیب بو کوپریک‌نی اورنی‌گه بیر کتته کانکیریتی کوپریک‌نی توزه‌تیلیشی نی ایسته‌گن ایدلر. جاری ییل هم اهالی اعتراض بیلدیریب مذکور یاغاچ کوپریک اوستیده قیزیل گزلمه یازگنلر.
